Beñat Rezustak jantzi du Bigarren Mailako Buruz Buruko txapela
Beñat Rezustak merezimendu osoz irabazi du Bigarren mailako Buruz Burukoaren finala. Bergarakoak sekulako partida egin du, eta jaun eta jabe izan da Beotibar pilotalekuan.
Partidak kolore bakarra izan du, urdina. Hasieratik hartu du aurrea gipuzkoarrak markagailuan; lehen tantoetan 5 eta 0 jarri da aurretik, sakez egindako joko erasokorraren ondorioz.
Ibai Zabalak, berriz, lan nahikoa izan du aurkariaren pilotakadei nola eta ahala erantzuten, eta oso atzetik jokatu behar izan du, Rezustari buruko minik sortu gabe.
Finala 10 eta 5ekoaren ondoren hautsi da. Aspeko pilotariak bederatzi tanto jarraian egin ditu, eta 19 eta 5 jarri da aurretik. Ondoren, partida etenda izan da minutu batzuetan, Rezusta aldageletara sartu baita atzamar batean min hartuta.
Lesioak, hala ere, ez dio jokatzen jarraitzea eragotzi. Azken tantoetan Zabalak emaitza zerbait apaintzea lortu du, baina egoerari buelta ematea ezinezkoa izan da. Berrizkoak ez du bere eguna izan.
Azkenean, 22 eta 10, merezitako garaipena Beñat Rezustarentzat, Datorren urtean, lehen mailako Buruz Burukoan izango da.
Partidako tanto guztiak:
0-1, 0-2, 0-3, 0-4, 0-5, 1-5, 2-5, 3-5, 3-6, 4-6, 4-7, 4-8, 4-9, 4-10, 5-10, 5-11, 5-12, 5-13, 5-14, 5-15, 5-16, 5-17, 5-18, 5-19, 6-19, 7-19, 8-19, 9-19, 10-19, 10-20, 10-21, 10-22.
Zure interesekoa izan daiteke
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Etxeberriak eta Imazek Laso eta Martija menderatu dituzte, 18-22, eta CaixaBank Mastersko sailkapena are gehiago estutu dute
Peio Etxeberria Altuna III.aren ordez aritu da, Zarautzen; nafarrak eta Imazek bikotearen aurreneko puntua eskuratu dute, eta Lasok eta Martijak, ordea, bi puntu dituztela jarraitzen dute.
Elordik eta Mariezkurrena II.ak argi menderatu dituzte Ezkurdia eta Albisu, CaixaBank Mastersean (8-22)
Bikote urdina hasieratik izan da oso nagusi, Elizondon ostiral gauean jokatutako partidan, eta, hala, 3 puntu daramatza txapelketan; Ezkurdiak eta Albisuk, ordea, puntu bakarra dute sailkapenean.
Garcia-Oyhenard bikoteak Donibane Lohizuneko finalerako txartela lortu du
Donibane Lohizune Summer Leagueko finala zehaztuta dago jada. Garcia-Oyhenardek Barandika-Basqueren aurka jokatuko dute.
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Iñigo Unda: “Oraindik hobetzeko asko daukat; ahal zara izan onena edo ez, baina bakarra”
24 urte besterik ez eta Gernika Grand Slameko finalera iritsi da Iñigo Unda Aritz Erkiagarekin batera. “Oraindik hobetzeko asko” daukala adierazi du, eta irabazi ez duen arren bizitakoarekin pozik da gernikarra.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Laso-Martija gailendu dira Zarautzen, Artola-Rezustaren aurka (20-22)
Lasok eta Martijak 20-22 hartu dituzte mendean Artola eta Rezusta, Zarautzen jokatu den Caixabank Masterseko laugarren jardunaldian. Txapelketako bigarren garaipena lortuta, sailkapeneko bigarren postua lortu du bikoteak.
Laso eta Iztueta nagusitu dira Donostia Hiria Torneoan
Lasok eta Iztuetak 19-22 garaitu dituzte Ezkurdia eta Zabaleta Donostia Hiria Torneoko finalean. Lehen tantoak gorrienak izan diren arren, partida berdindu egin da eta, azkenean, Baikoko bikotea nagusitu da.
Ezkurdia eta Zabaleta Donostia Hiria Torneoaren finalerako sailkatu dira, neurketa gogor, parekatu eta zirraragarria jokatuta (22-21)
Bikote nafarrak Jokin Altunak eta Beñat Rezustak osatutako bikote gipuzkoarra mendean hartu zuen asteazkenean, finalerdietan. Horrela, Joseba Ezkurdiak eta Jose Javier Zabaletak Unai Laso eta Martxel Iztuetaren aurka neurtuko dituzte indarrak ostiral honetan, final handian. Bi finalak, Seriea A eta B, zuzenean eskainiko ditu EITBk, eta pilota jaialdia 21:00etan hasiko da.