Rahm bigarren geratu da Espainiako Irekian, Angel Hidalgorekin berdinketa hausteko play-offa galduta
Angel Hidalgo golf-jokalariak bere ibilbideko asterik onena burutu du Espainiako Irekia irabazita, bere eta Barrikako lehoiaren arteko berdinketa play-offeko bigarren zuloan hautsi eta gero. Marbellakoak bikain jokatu du lehen egunetik txapelketa buruan jartzeko, eta lau jardunaldiak eman ditu sailkapenaren gorenean.
Igande honetako jardunaldian, Hidalgok modu irregularrean hasi du ibilbidearen lehen zatia. 1. zuloan, bogey bat egin du, eta, ondoren, beste bi egin ditu 5. eta 6. zuloetan. Hala ere, hiru birdie eginda, buelta eman dio egoerari, eta horrek aukerak bere horretan utzi ditu bigarren erdiari ekin aurretik.
Jardunaldiak, bestalde, garaipena lortzeko aukerak eman dizkio David Puig golf-jokalari kataluniarrari ere, lehen zazpi zuloetan lau birdie egin eta gero. 8. zuloan egindako akats batek, eta 11., 13. eta 15. zuloetan egindakoek, baina, garaipena lortzeko borrokatik aldendu dute.
Hidalgo, berriz, oso erregularra izan da bigarren erdian. 14. zuloan, lehen postua mantentzeko balio izan dion birdie bat egin du, batez ere Rahmek (partidaren une batzuetan aurretik joan da) bigarren eguneko irregulartasuna erakutsi duelako berriro, eta 68 kolperekin amaitu duelako (kolpe bat parretik behera), zazpi birdie, bi bogey eta bogey bikoitz bat eginda.
Barrikako jokalariak ahalik eta gehien behartu du andaluziarra, garaipena erabakita uzteko aukera izan baitu, baina putt erraza galdu eta gero, Rahmekin berdinduta amaitu du, 270 kolperekin.
Azkenean, Hidalgoren eta Barrikako lehoiaren arteko play-offean erabaki da txapelketa. Lehen saiakera ez da nahikoa izan, eta, berdinketa hausteko bigarren zuloan, Rahmek irteeran huts egin eta gero, Marbellako golf-jokalariak Espainiako Irekia eskuratu du.
Zure interesekoa izan daiteke
Jon Rahm zortzigarren postuan kokatu da munduko sailkapenean, 2024ko ekainetik ondoen
Euskal golf-jokalariak lau postu egin du gora aurreko astelehenarekin alderatuta, LIV Golf Andaluzian bigarren tokian amaituta. 2025eko denboraldia bukatu zenean, Rahm 84. postuan zebilen, mundu mailan.
Nellly Kordak Estatu Batuetako Irekia irabazi du, eta lau txapelketa nagusi daramatza bere ibilbidean
Golf-jokalari estatubatuarra kolpe bateko abantailaz gailendu da; Gaby Lopez mexikarra eta Charley Hull britainiarra izan dira bigarren postuan, berdinduta. Kordak zortzi parretik behera izan du, txapelketa amaituta.
Zverevek sufritu egin bere lehenengo handia irabazteko Parisen
Alemaniarrak Flavio Coboli garaitu du oso parekatuta egon den partida batean, hau bostgarren setean erabaki da, eta bertan, Zverev italiarraren gainetik pasa da.
Rahmek ezin izan du eragotzi Hattonen garaipena Valderraman
Barrikoztarra bi kolpera geratu da, eta bigarren postuan bukatu du Andaluziako txapelketa.
Maddi Barona, Andrea Mendiguren eta Nico Perez garaile Kyokushineko Munduko Kopan
Yin Yang Gasteizko karate klubaren 50. urteurrena dela eta, Kyokushineko Munduko Kopako proba bat Arabako hiriburuan egin da. 24 herrialdetako 460 karateka lehiatu dira Mendizorrotzan. 10 final jokatu dira, eta hirutan etxekoak nagusitu dira: Maddi Barona, 65 kilotik beherako 23 urtez azpiko mailan, Andrea Mendiguren, 55 kilotik beherako senior mailan, eta Nico Perez, 75 kilotik beherako senior mailan.
Andreevak bere lehenengo handia irabazi du Roland Garrosen
Tenislari errusiarrak Maja Chwalinska poloniarra garaitu du bi setetan (6-3 eta 6-2), ordubete eta 22 minutu iraun duen finalean.
Carlota Cigandak ez du kortea igaro AEBko Irekian
Nafarrak parretik gora 8 kolpe pilatu ditu guztira bigarren jardunaldiaren amaieran, eta 4 kolpe edo gutxiago bildu dituzten jokalariek egin dute aurrera.
Zverevek ez du hutsik egin, eta Cobolliren aurka jokatuko du Roland Garroseko finala
Matteo Arnaldi italiarrak ezin izan du bigarren finalaurrekoa lehiatu, birus batek jota, eta, ondorioz, Flavio Cobolli izango da Alexander Zvereven aurkaria Parisko final handian.
Adreevak eta Chwaliskak jokatuko dute emakumezkoen Roland Garroseko finala
Tenislari errusiarra bi setetan gailendu zaio Marta Kstyuk ukrainarrari finalerdietan (6-1 / 6-3). Poloniarrak, berriz, Diana Shnaider errusiarra garaitu du lehia estuago batean, bi setetan baita ere (7-6 (4) / 6-4).
Diana Shnaiderrek Aryna Sabalenka kanporatu du Roland Garrosen, final-laurdenetan
Tenislari errusiarrak, munduko sailkapeneko 23.a bera, hiru setetan menderatu du lehenengoa, 3-6, 7-5 eta 6-0. Finalerdietan, Shnaider eta Maja Chwalinska poloniarra arituko dira nor baino nor gehiago.