Adur Etxezarretak ezin izan du eslalom supererraldoiko proba amaitu
Adur Etxezarreta eslalom supererraldoiko ibilbidetik atera da, eta, ondorioz, ezin izan du Pekingo Neguko Olinpiar Jokoetako proba amaitu.
Nafarraren hitzetan, ez du nahi beste prestatu proba: "Supererraldoiko probara ez naiz jaitsierakora bezain ondo heldu". Matthias Mayer austriarrak irabazi du urrezko domina, hiru olinpiar jokotan lortu duen hirugarrena.
Gaur trazadura pixka bat aldatu dute, eta beheraxeago atera dira eskiatzaileak, baina pistaren baldintzak antzekoak izan dira. Adur 42. dortsalarekin atera da Yanqingeko ibilbide zorrotzera, baina ezin izan ditu atzoko lasterketako sentsazioak berretsi. Trazaduraren lehen zatian, pistatik irten da, eta, ondorioz, ateetako bat joan egin zaio.
Emaitzak zapore mingotsa utzi dio Etxezarretari, baina olinpiar jokoetako debutean, jaitsiera-proban, 17. postua lortu izanak motibazio handia emango dio hurrengo hitzorduetarako. Europako Kopan eta Munduko Kopan lehiatzen ari da, lehenengo horretan zentratuago badago ere, eta jokoetan egindakoa kalitatezko jauzi hori emateko pizgarria izango da. "Horrela eskiatzen jarraitzen badut, pixkanaka, Munduko Kopan emaitza onak lortzeko helburua hurbilago egongo da", esan du eskiatzaile nafarrak.
Taularen goialdean, ohorezko postuak norvegiarrek, austriarrek eta estatubatuarrek bete dituzte. Alexander Kilde norvegiarrak ez zuen egun ona izan jaitsieran; supererraldoian, berriz, jaitsiera oso ona egin du gaur, lehen partzial ikaragarria eginez. 1:20.36ko denbora markatuta, lehen postuan jarri da hasieratik, Alexis Pinturault frantziarra ere gaindituta (1:21.36). Gero, Romed Baumann alemaniarra (1:21.10) eta Adrian Smiseth Sejersted norvegiarra (1:20.68) izan dira frantziarraren denbora hobetu dutenak.
Hala ere, dena hankaz gora jarri da Matthias Mayer pistara atera denean. Austriako eskiatzaile handiak erakustaldia eman du probaren norabidea aldatzeko, bere kalitate izugarria erakutsita zirkuituaren azken sektorean. Ez da oso ongi hasi, nahiko azeleratuta abiatu eta ezkerreko hankarekin akatsen bat egin baitu, baina ederki konpondu du azken partean, hegan egin baitu denbora bikaina egiteko: 1.19.94.
Austriakoak esperientzia baliatu du alde zuen haizea azken zuzenekoan aprobetxatu eta metal preziatuena eskuratzeko. Mayerrek hiru joko daramatza jarraian urrezko domina bat irabazten: 2014an, Sotxin eskuratu zuen, jaitsiera-proban, eta 2018an gauza bera egin zuen Pyeongchangeko supererraldoian. Atzo, berriz, brontzea lortu zuen jaitsiera-proban. Gaur, Ryan Cochran-Siegle estatubatuarra, Mayerren atzetik bikain aritu dena (1:19.98), eta Aleksander Kilde norvegiarra (1:20.36) izan ditu lagun podiumean.
Hamazazpigarren, jaitsierako proban
Adur Etxezarreta nafarrak jaitsiera bikaina egin zuen Pekingo Neguko Olinpiar Jokoetako proba nagusian, eta hamazazpigarren tokia lortu zuen.
Lortutako postua Espainiako ordezkari batek modalitate horretan inoiz lortu duen posturik onena izan da; beraz, izugarrizko balentria egin du euskal eskiatzaileak.
Zure interesekoa izan daiteke
KIROLAK EITB aro berria martxan da
Martxan da KIROLAKEITB.EUS atari berria; bertan jasoko dugu EITBren kirol unibertsoa: streaming emanaldiak, bideoak, albisteak… Sartu eta gozatu!
Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Zarauzko golf klubean 100 urte atzera egin dute
Urtero bezala, urteari amaiera emateko Zarauzko golf klubean denboran atzera egin dute "Open Hickory" lehiaketari esker. Garai bateko jantziak soinean, eta Hickory makilak eskuartean zituztela aritu dira golfean, duela 100 urte bezala.
Lucas Eguibar bere laugarren Jokoetan lehiatuko da, Milan-Cortina d 'Ampezzon
Aldez aurretik Basque Teameko snowboardlari donostiarra Sotxi 2016, Pyeongchang 2018 eta Beijing 2022an izan da, eta bi diploma olinpiko eskuratu ditu.
Marino Zulet Dakarren izango da Toyotarekin
Azken bost urteetan bezala, Dakar Rallyaren edizio berrian azpiegitura jarriko du Zuletek. Toyotarekin egongo dira berriro eta euskal lantaldea osatuko dute.
Agur "Boxeo Izarrak" saioari
Euskal Telebistako Kiroletako taldearentzat, egun berezia da gaurkoa. 34 urteren ostean, "Boxeo Izarrak" saioaren azken atala emitituko da gaur gauean. Gure lankide Pedro Marik aurkeztuta, urte luzez nazio mailako eta nazioarteko borrokaldi onenak eskaini dituen saioak, agur esango du gaur. Zorionak, eta eskerrik asko Pedro Mari, egindako lan guztiarengatik.
Lindsey Vonnek bigarren gaztaroa bizi du, bost urtez goi mailako lehiaketatik at eman ondoren
Eskiatzaile estatubatuarrak, aurreko hamarkadan izarra izan zenak, distira egin du berriro, eski alpinoko Munduko Kopako proba bat irabazi duen beteranoena baita.
Hugo Gonzalez de Oliveira Europako txapelduna, faboritoa Ordizian, Eguberriko igeriketa Txapelketan
Proba Europako Ligakoa da; hurrengo astelehenean izanen da, abenduaren 29an, eta EITBk zuzenean emanen du.
Basque Teamek fundazioko urteko euskal kirolari nabarmenenak omendu ditu Gabonetako galan
Janire Fernandez-Etxabarri eta Aitor Francesena surflariak, Salma Solaun gimnasta, Anton Legorburu munduko eta Europako errugbi txapeldunordea eta Iñigo Llopis eta Nahia Zudaire paralinpikoak izan dira omenduetako batzuk. Bestetik, goi mailari agur esan diotenei omenaldia egiteko ere aprobetxatu dute. Tania Calvo txirrindulariaren kasua da hori.
Pedro Mari Goikoetxeak "Boxeo Izarrak" saioari agur esan dio
Ostiral gauero, Pedro Mari Goikoetxeak Manu Maritxalarrekin batera munduko lehiarik ikusgarrienak eta zirraragarrienak eskaini eta komentatu dituzte. Pedro Marik 34 urteren ondoren saioa agurtu du, laster erretiroa hartuko baitu.