Rahm eta Otaeguik ondo ekin diote Espainiako Irekiari
Jon Rahm barrikarrak, igandera bitartean jokatuko den Espainiako Irekia irabazteko faborito nagusiak, 67 kolperekin bete du lehen jardunaldiko ibilbidea, hau da, parraz azpitik bost kolpeko txartela aurkeztu du, eta lehen postuan berdindurik dauden Marc Warren (Eskozia) eta Paul Dunne (Irlanda) jokalariengandik kolpe bakarrera dago. Rahmekin batera beste hamar jokalari daude hirugarren tokian parekaturik.
Munduko sailkapenean laugarren den bizkaitarrak birdieak lortu ditu 3., 5., 7. eta 13. zuloetan; 18.ean, gainera, eagle bat lortu du (bi parretik behera). Zenbaki horiekin buruko postuetan kokatu da Europako Zirkuituari dagokion torneoa irabazteko.
"Ez nuen espero gaur jokatu dudan bezala jokatzea", onartu du Rahmek. "Hasierako kolpeak pentsatu baino askoz hobeto eman ditut. Oso gutxitan jotzen zaio driverrarekin hain ondo, eta horrek 7. eta 13. zuloetan oso birdie errazak lortzea ahalbidetu dit. Aprobetxatu beharreko egunak dira, eta horri esker buelta on bat egin ahal izan dut. Ea horren ondo jokatzen jarrai dezakedan", adierazi du.
Bere aldetik, Adrian Otaegui donostiarra ere modu onean aritu da, eta parra azpitik hiru kolpe egin ditu. Horrenbestez, txapelketa eskuratzeko borroka betean jarraitzen du gipuzkoarrak ere, hiru kolpera baititu liderrak.
Zure interesekoa izan daiteke
Ander Minteguik bigarren postua lortu du Santa Caterinako Europako Koparen Supererraldoi proban
“Oso pozik nago. Nere lehenengo ‘top 10’, ‘Top 5’ eta Europako Kopako podioa da, eta denboraldia horrela hasteak geratzen den denboran jarraitzeko aunitz laguntzen dit”, esan du Minteguik; hori Felix Hacker irabazletik 32 ehunenetara geratu da.
Lando Norris, 1 Formulako munduko txapelduna
Pilotu britainiarrak 1 Formulako Munduko Txapelketa irabazi du Abu Dhabiko Sari Nagusian hirugarren amaituta, Verstappen eta Piastriren atzetik.
Joyciline Jepkosgei eta John Korir kenyarrak, Valentziako Maratoiko irabazleak
Joyciline Jepkosgei kenyarrak irabazi du Valentziako Maratoiaren 45. edizioa, urteko munduko markarik onena eginda: 02:14:00. Gizonezkoetan, berriz, John Korir kenyarra gailendu da, nagusitasunez, 02:02:24ko denbora eginda.
Dupont eta Roseyro nagusitu dira Punta Galean
Punta Galeako olatu erraldoien txapelketak ez du huts egin. Hiru urteko etenaldiaren ondoren, surf gogoa zegoen eta ikuskizunak merezi izan du. Clement Roseyro eta Justine Dupont izan dira 2025eko Punta Galea Big Wave Challengeko irabazleak.
Ariane Toro Soler judokak brontzea lortu du Tokioko Grand Slamean 52 kiloz azpiko kategorian
22 urteko nafarra Kisumi Omori japoniarrari gaildendu zaio bigarren aukerako finalean.
Edurne Pasaban: "Gaur egun ere, ezin dut bizi mendia gabe"
Edurne Pasaban alpinista ohia izan dugu EITBn. Bere ibilbideko istorioak kontatzen dituen komikia argitaratuko da, Mendi Film Festivalean, eta bertan ikusi eta ezagutu ahalko dugunaz aritu gara berarekin.
San Mamesek errugbiko Champions Cup eta Challenge Cup finalak hartuko ditu berriro maiatzaren 22an eta 23an
Asteburu honetan bi txapelketak hasteko ordu gutxi falta direnean, 24.000 sarrera bikoitz baino gehiago saldu dira, salgai jarriko direnen % 50 baino gehiago.
Punta Galea Challenge lehiaketa larunbatean egingo dute Getxon 6 metroko olatuekin
Espero diren baldintzek espezialitateko Europako lehiaketarik zaharrena berriro egitea ahalbidetuko dute, hiru urteko geldialdi baten ondoren. Berritasun nagusia emakumezko surflariek lehen aldiz parte hartzea izango da.
Egoitz Bijueska, munduko onenen artean dabilen skater bilbotarra
Egoitz Bijueska 15 urteko skater bilbotarra da. Munduko rankinean bigarren postuan dago oraintxe, maila horretara iritsi den lehen euskalduna.
Futbol Amerikar gaua San Mamesen
San Mamesek ateak zabaldu ditu, baina oraingoan NFLko bi partiduak ikusteko. Futbol Amerikarreko 400 zale gerturatu dira bertara eta goizeko ordu txikietararte izango dira bertan.