Mollari eta Etxauri, "Harri Herri" saioko hirugarren ekitaldiko txapeldunak
Mollarri taldeak irabazi du "Harri Herri" saioko hirugarren ekitaldia, emakumezkoen txapelketan, eta Etxauri taldeak eskuratu du garaipena gizonezkoen lehian, EITBk igandean emandako finalean Ibiur eta Laukariz menderatuta. Hain zuzen ere, harri baldarraren lehian, Mollarrik 41 jasoaldi lortu ditu eta Ibiurrek 35, eta lehia erabakigarrian, 28-23 gainditu du Etxaurik Laukariz.
Testuinguru horretan, emakumezkoen finalean, Mollarri, Naroa Arruti kapitain, eta Ibiur, Lur Errekondok gidatuta, oso parean ibili dira harri landuekin; Mollarrik 6 segundo gehiago batu ditu azkenean. 100 kiloko koadroarekin, Mollarriko Maddi Gesalagak, bi minutuan, 8 jasoaldi lortu ditu, eta Ibiurreko Aroa Sanchezek, ordea, 7; Ibiurreko Ainitze Zumetak 22 aldiz jaso ditu 62,5 kiloko kubikoa, hiru minutuan, eta Mollarriko Goizeder Abendibarrek, 21 aldiz; Ibiurreko Sara Jimenez de Aberasturik eta Mollarriko Eider Garcia Duranak 25na egin dute 62,5 kiloko zilindroarekin, bi minutuan; 50 kiloko bolari dagokionez, Mollarriko Zihara Zabalak 18 aldiz jaso ditu, eta Ibiurreko Leire Oleak, 17.
Ondorioz, Mollarrik 5 minutu eta 58 segundo izan ditu harri baldarrarekin aritzeko, txapelen bila, eta Ibiurrek 6 segundo gutxiago batu ditu. Naroa Arrutik Maddi Gesalaga eta Durana hautatu ditu, eta Lur Errekondok, aldiz, Ainitze Zumeta eta Sara Jimenez de Aberasturi. Lehia ikusgarria izan da, eta Mollarri gailendu da, 41-35; beraz, azken talde horretako harri-jasotzaileek jantzi dute txapela, "Harri Herri" saioko hirugarren ekitaldian.
| EMAKUMEZKOEN FINALA | |||||
| KOADROA | KUBIKOA | ZILINDROA | BOLA | DENBORA | |
| IBIUR | 7 | 22 | 25 | 17 | 4:52 (+1:00) |
| MOLLARRI | 8 | 21 | 25 | 18 | 4:58 (+1:00) |
| HARRI BALDARRA | |||||
| JASOALDIAK | |||||
| IBIUR | 35 | ||||
| MOLLARRI | 41 | ||||
Puntuazioa: KOADROA (8 segundo jasoaldiko), KUBIKOA (5 segundo jasoaldiko), ZILINDROA (3 segundo jasoaldiko) eta BOLA (3 segundo jasoaldiko).
Gizonezkoen finalean, Joseba Ostolazak izan du kapitaina izateko erantzukizuna Etxaurin, eta Zelaik Laukarizen. Ia-ia parean iritsi dira bi taldeak harri baldarraren lehiara; Laukarizek segundo bat gehiago izan du (05:03 eta 05:02). 188 kiloko koadroarekin, Etxauriko Aimar Galarragak 6 jasoaldi egin ditu, eta Laukarizko Imanol Royok 5 ; 125 kiloko kubikoarekin, berdinketa izan da, 16na jasoaldi egin baitituzte Etxauriko Hodei Iruretagoienak eta Laukarizko Julen Diazek; 125 kiloko zilindroarekin ere izan da berdinketa, 24nakoa, Etxauriko Paulo Azpiazuren eta Mikel Lopetegiren artean; 100 kiloko bolaren lehian, Laukarizek abantaila erdietsi du, Jon Gisasolak 17 aldiz jaso baitu, eta Etxauriko Iker Sojok 14 aldiz.
Harri baldarraren lehiarako, Joseba Ostolazak Aimar Galarraga eta Paulo Azpiazu hautatu ditu, eta 28 jasoaldi erdietsi dituzte, Zelaik aukeratutako Imanol Royok eta Urrak baino 5 gehiago. Hala, Etxaurik bereganatu du titulua, gizonezkoen txapelketan.
| GIZONEZKOEN FINALA | |||||
| KOADROA | KUBIKOA | ZILINDROA | BOLA | DENBORA | |
| ETXAURI | 6 | 16 | 24 | 14 | 4:02 (+1:00) |
| LAUKARIZ | 5 | 16 | 24 | 17 | 4:03 (+1:00) |
| HARRI BALDARRA | |||||
| JASOALDIAK | |||||
| ETXAURI | 28 | ||||
| LAUKARIZ | 23 | ||||
Puntuazioa: KOADROA (8 segundo jasoaldiko), KUBIKOA (5 segundo jasoaldiko), ZILINDROA (3 segundo jasoaldiko) eta BOLA (3 segundo jasoaldiko).
Zure interesekoa izan daiteke
"Kirol Herri" saioko banakako lehia bizi-bizi hasi da, harri-jasotzean eta aizkolaritzan
Lehen jardunaldian, Ainitze Zumeta Maddi Gesalaga baino hobeto aritu da, eta Mikel Lopetegik Beñat Telleria menderatu du; Nerea Arruti finalerako sailkatu da, eta Julen Alberdik lehia ederra izan du Arkaitz Etxebesterekin.
Larunbat honetan hasiko da Banakako Kirol Herri
"Kirol Herri" saioaren banakako txapelketa hasiko da asteburu honetan, Aizkoitian. Emakumezkoak zein gizonezkoa aizkorarekin eta harriarekin ikusiko ditugu. Final handia martxoaren 28an izango da.
Ardi-moztaileen Euskal Herriko selekzioa, Munduko Txapelketarako prest
Zeelanda Berrian jokatuko dute, martxoaren 4tik 7ra bitartean. Euskal selekzioko kideak igandean abiatuko dira Ozeaniara, eta hilabete emango dute bertan, entrenatzen.
Maddi Gesalaga eta Mikel Lopetegi "Urra", nagusi "Harri Herri" saioko neguko finalean
Bi harri-jasotzaile zarauztarrak gailendu dira Aian jokatutako "Harri Herri" saioaren neguko finalean. Biak oso pozik geratu dira emaitzarekin, baita urtea txapela jantzita hastearekin ere.
Iker Vicentek "egurra" eman dio Eneko Otañori Tolosako desafioan
Iker Vicentek irabazi du jendez lepo izan den Tolosako zezen plazan jokatu den desafioa. Bi kanaerdikoren aldea ez da nahikoa izan Eneko Otañorentzat.
Eneko Otaño: "Etxean egindakoa plazan egiteko gai banaiz, baditut irabazteko aukerak"
Beizamako aizkolaria Iker Vicente mendean hartzeko itxaropentsu joango da Tolosara, desafioaren atarian azaldu du apustua estua izango dela.
Iker Vicente: "Gogotsu eta buruz fresko iristen naiz, prestaketa ez baitzait luzeegia egin"
"Nik uste dut oso une onean nagoela", azaldu du Otsagabiako aizkolariak Eneko Otañoren aurkako desafioaren atarian. "Oso zaila izango da, segundo asko dira kentzeko", onartu du. "Burua hotz izan beharko dut", erantsi du.
Iker Vicentek eta Eneko Otañok, larunbaterako aizkorak prest
Iker Vicente eta Eneko Otañoren arteko desafioa aurkeztu dute gaur, Tolosako zezen-plazan. Otañok bi enborreko abaintaila izanen du. Horrelako abantaila duen hirugarren desafioa izango da.
Neguko Harri Herri saioko bost finalistak: Imanol Royo, Mikel Lopetegi, Goizeder Abendibar, Ainitze Zumeta eta Eider Garcia
Mallabian jokatu da Neguko Harri Herri saioko 3. jardunaldia, eta ondoko bost harrij-asotzailek bereganatu dute urtarrilaren 4an lehiatuko den final handirako txartela: Imanol Royo, Mikel Lopetegi, Goizeder Abendibar, Ainitze Zumeta eta Eider Garcia Durana.
Gari Garmendia, Harri Handien Euskal Herriko txapeldun
Harri-jasotzaile idiazabaldarrak bere lehen txapela lortu du, guztira 7.100 kilo altxatuta. "Azkenengo astean oso gaizki pasa dut mentalki", azaldu du txapeldun berriak. "Fisikoki oso ongi etorri naiz prestatuta, baina azkenengo astean dena erori zait, ez dakit zer gertatu zaidan, gaur ez dut batere gozatu", erantsi du.