Sansek gora egin du Castelloren aurka Zubietan (4-2)
Txuri-urdinek Castello garaitu dute partida bizi batean, eta hiru puntuak eskuratu dituzte Ochiengen, Carreraren eta Mariezkurrenaren golei esker.
Real Sociedad B taldeak 4-2 irabazi dio larunbat honetan Castellori Zubietan, LaLiga Hypermotioneko 29. jardunaldiari dagokion partidan. Garaipenari esker, azken jardunaldian Deporren aurka luzapenean jasandako porrotak utzitako zapore txarra ahaztu dute txuri-urdinek.
Neurketa erritmo oso biziarekin hasi da. Bi minutu ere igaro ez direnean, Ochiengek Brignaniri baloia lapurtu dio aurkariaren zelaian eta, jaurtiketa indartsu batekin, markagailua ireki due (0-1).
Hala ere, erreakzioa berehala iritsi da. Bosgarren minutuan, baloia Camararengana iritsi da; hark jokoa zabaldu eta penaltiko puntura erdiratu du, eta han agertu da Cala, bakar-bakarrik, partida berdintzeko (1-1).
Bisitarien golaren ostean, Sansek aurrerapausoa eman du. Handik gutxira, talde bisitaria desordenatuta geratu da, eta Dani Diazen erdiraketa gogorra area barrura iritsi da. Carrerak buruz behera jauzi eginez baloia sareetara bultzatu du, etxekoen itzulera borobilduz (2-1).
Neurketak erritmo biziarekin jarraitu du, eta, 24. minutuan, Fragak area txikian erori den baloia urrundu du. Camara adi egon da, baloia jaso eta ate barrura bidali du, markagailuari taulak itzultzeko (2-2).
Bigarren zatian, txuri-urdinak nagusi izan dira eta Castelloren saiakerak ondo kontrolatu dituzte. 69. minutuan, Ochiengek jokaldi bikaina burutu du bakarka eta atezaina gainditu du ezkerrezko jaurtiketa batekin area barrutik, 3-2koa ezarriz.
Sansek behin betiko itxi du partida Castelloren akats baten ondorioz. Marchal bakarrik geratu da atezainaren aurrean ezker hegalean eta baloia txirloz sartzen saiatu da, baina baloiak langa jo du. Errebotea Mariezkurrenarengana iritsi da, eta hark ez du barkatu: buruz bultzatu du baloia atera, azken 4-2koa ezarriz.
Zure interesekoa izan daiteke
Arturo Ruiz: "Errendimenduak ematen dio sendotasuna proiektu bati"
F Moeve Liga datorren astean itzuliko da, eta Realak txapelketari ekingo dio berriro, Txapeldunen Ligako postuetan jarraitzeko helburuarekin. Arturo Ruizek zuzendutako taldea denboraldi bikaina egiten ari da.
Matarazzo: "Atzo nahikoa denbora izan genuen asteazkeneko garaipena dastatzeko"
Realeko entrenatzaileak EA Sports Ligako 27. jardunaldian Atletico Madrilen aurka jokatuko duten partidaz hitz egin du. Horren hitzetan, asteazkenekoa ondo ospatu dute, baina orain Ligan zentratu beharra dute, oso garrantzitsua delako.
Realak finalerako jasotzen dituen sarreren % 85 bazkideentzat izango dira
Gainera, talde txuri-urdinak azaldu du 25 urte edo gehiagoko antzinatasuna duten bazkideek sarrera ziurtatuta izango dutela. Gainerako bazkideek zozketa batean izena eman beharko dute.
Rino Matarazzo: "Oso pozik nago, oso berezia da; gol aukera oso gutxi egin ahal izan dizkigute”
Realeko entrenatzaileak nabarmendu du nola jokatu duen bere taldeak lehen zatian, Athleticen aurkako itzuliko partidako lehen zatian, eta, halaber, pozik azaldu da, txuri-urdinek, beste behin, golik ez baitute jaso.
Jon Martin: "Gaur ere, partida osoa egin dugu, eta finalean gaude"
Realeko atzelari gazteak, Athleticen aurkako kanporaketa amaituta eta Sevillako finalerako txartela eskuratuta, gogora ekarri du nola bizi izan zuen talde txuri-urdinak irabazitako azken finala, 2021ekoa.
Horrelakoa izan da Realari garaipena eman dion penaltia
VARak deituta joan da epailea zer gertatu den begiratzea. Ruiz de Galarretak kamisetatik heldu dio Yangel Herrerari arean, eta penaltia dela erabaki du epaileak. Oyarzabalek bota, eta gola sartu du, horrera Sevillarako txartela lortuz.
Realaren zaleek talde txuri-urdinaren autobusari harrera eginen diote, asteazkenean, Kopako derbiaren aurretik
Rino Matarazzoren taldearen autobusak realzaleen animoak jasoko ditu, 19:00etatik aurrera, Anoeta hotelean hasita.
Matarazzok taldea "gogotsu" dagoela azpimarratu du, Athleticen aurkako partidari begira
Realak eta Athleticek asteazken honetan jokatuko dute Errege Kopako finalaurrekoetako itzuliko partida, Donostian. Matarazzok prentsaurrekoa eman du gaur, neurketa nola ikusten duen azaltzeko.
Anoetaren ondoan eginen den topagunean asteazken arratsaldeko giroa bizituko dute zaleek, Kopako finalerdietako derbian
Realak topagune bat antolatu du, eta zuzeneko musika eta food truckak izanen dira horretan. Gainera, talde txuri-urdinaren zaleek mosaiko handi bat osatuko dute estadioaren barnean, Realaren eta Athleticen jokalariak zelaira ateratzen direnean.