Valentziak Sadiq fitxatu du 2028ra arte
Umar Sadiq, Valentzian. Irudia: Valencia CF
Umar Sadiqek Valentzian jokatuko du aurrerantzean, hiru sasoiz Realarekin aritu ostean. Nigeriako jokalaria 22-23 denboraldian iritsi zen Donostiara, Almeria futbol taldetik.
Iritsi bezain pronto, min hartuta egon zen hainbat hilabetez. 2025eko urtarrilean, utzita joan zen Valentziara, ikasturte bukaerara arte. Sadiqek hemeretzi neurketa jokatu zituen han (16 Ligan eta 3 Kopan), sei gol sartuta.
Aurten, zazpi partidatan hartu du parte Realarekin: bost ligan, eta bi Errege Kopan. Gol bat sartu zuen Reusen kontrako lehian.
Umar Sadiq 20 milioi euroren truke heldu zen Donostiara, Oskarssonekin batera, Realaren historian egin den fitxaketarik garestiena. Debut ezin hobe baten ondoren, Atletico Madrilen aurka gola sartu baitzuen, belauneko lesio larri bat izan zuen, eta hortik aurrera ez zuen berriro maila eman.
Udan, aurrelaria Valentziara itzultzen saiatu zen, baina Mestallako taldeak ez zuen Realarekin akordiorik lortu, talde donostiarraren eskakizun ekonomikoetara hurbildu ez zelako.
Horren ostean, Jokin Aperribay presidentea haserre agertu zen futbolariarekin, nahiz eta denboraldiaren lehen zatian aukera eman nahi izan dioten. Ez da talde zuri-urdinaren dinamikan sartu, eta bere irteera Anoeta eta Zubietako bulegoetako lehentasunetako bat zen.
Valentziaren aurrelari berriak Donostian 57 partida jokatu ditu, eta 5 gol besterik ez ditu egin, ekarpen eskasa 20 milioi euroko kostua izan zuen jokalari batentzat.
Orain, Matarazzo Oyarzabal, Oskarsson eta Karrikabururekin geratu da, baina baliteke aurrealde horretan mugimendu gehiago egotea. Realaren entrenatzaile berriak Gorka Carrera bigarren taldeko golegileari ere minutuak eman diezazkioke.
Zure interesekoa izan daiteke
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.
Mikel Goti Real Oviedora, utzita
Erdilaria Realetik utzita helduko da Asturiaseko taldera, 2026-27 denboraldiaren amaierara arte.