Reala, multzoaren lidergoaren bila
Realak Europa Ligako multzoaren lidergoa lor dezake gaur (21:00), AZ Alkmaarren kontra AFAS Stadionen jokatuko duen norgehiagokan, Napoliren partida ere kontuan hartuz.
Donostiarrak David Silva gabe bikainak izan daitezkeela erakusten saiatuko dira, izan ere, Silvak ezingo du osteguneko partidan jokatu. Jokalariak giharretako lesioa du, Jon Guridik bezala, eta horrek hainbat partidatatik at utziko du.
Adnan Januzajek ordezka dezake kanariarra, baina Imanol Alguacil entrenatzaileak bestelako aukerak ere baditu, hala nola Roberto Lopez edo Mikel Oyarzabal.
Txuri-urdinek sei garaipen jarraian lortu dituzte Ligan, eta Europan ondo dabiltza, bi partida irabazi dituztelako, horietako bat Donostian, nederlandarren aurka, Porturen golari esker. Porrot bakarra Napoliren kontra jaso zuten, etxean.
AZ Alkmaar momentu onean iritsiko da hitzordura, ez baitu jokatuko ez duten garrantzizko jokalaririk. Gainera, bere ligako azken hiru norgehiagokak irabazi ditu, denboraldiaren hasiera nahiko traketsa izan bazen ere.
Ustezko hamaikakoak:
AZ Alkmaar: Bizot; Winjdal, Martins, Hatzidiakos, Svensson; Koopmeiners, De Wit, Midtsjo; Karlsson, Gudmundsson eta Stengs.
Reala: Remiro; Zaldua, Aritz, Le Normand, Monreal; Zubimendi, Merino, Portu; Januzaj, Oyarzabal era Willian Jose.
Epailea: Aleksandar Stavrev (Ipar Mazedonia).
Futbol-zelaia: AFAS Stadion
Ordua: 21:00
Zure interesekoa izan daiteke
Realaren zaleek talde txuri-urdinaren autobusari harrera eginen diote, asteazkenean, Kopako derbiaren aurretik
Rino Matarazzoren taldearen autobusak realzaleen animoak jasoko ditu, 19:00etatik aurrera, Anoeta hotelean hasita.
Matarazzok taldea "gogotsu" dagoela azpimarratu du, Athleticen aurkako partidari begira
Realak eta Athleticek asteazken honetan jokatuko dute Errege Kopako finalaurrekoetako itzuliko partida, Donostian. Matarazzok prentsaurrekoa eman du gaur, neurketa nola ikusten duen azaltzeko.
Anoetaren ondoan eginen den topagunean asteazken arratsaldeko giroa bizituko dute zaleek, Kopako finalerdietako derbian
Realak topagune bat antolatu du, eta zuzeneko musika eta food truckak izanen dira horretan. Gainera, talde txuri-urdinaren zaleek mosaiko handi bat osatuko dute estadioaren barnean, Realaren eta Athleticen jokalariak zelaira ateratzen direnean.
Jon Martin: "Hutsean berdinduta joango bagina bezala jokatu behar dugu neurketa"
Atzelari txuri-urdina "baikor" azaldu da Athleticen kontrako norgehiagokaren atarian. "San Mamesen partida osoa egin genuen, eta konfiantzarekin gaude", azpimarratu du. "Oso pozik nago nire lanarekin, baina gauza asko hobetu behar ditut", gaineratu du.
Deporrek luzapenean sartutako gol batek punturik gabe utzi du Sanse (2-3)
Astiazaran eta Ochieng jokalarien golekin markagailua irauli arren, Mikel Rodriguezen kanporaketak Zubietako partidaren azken minutuak baldintzatu ditu.
Zubeldia: "Oso garrantzitsua zen sentsazio onekin bukatzea"
Realeko jokalariak Mallorcaren aurka lortutako garaipenaz (0-1) hitz egin du, EA Sports Ligako 26. jardunaldian.
Reala garaile Mallorcan Europara gerturatzeko (0-1)
Carlos Solerrek lehen zatian sartutako golak 3 puntu eman dizkie txuri-urdinei, eta, bide batez, Europako postuetara gerturatu ditu.
Matarazzo: "Baikor nago, bihar neurketa ona egingo dugula uste dut"
Realeko entrenatzaileak EA Sports Ligako 26. jardunaldian Mallorcaren aurka jokatuko duten partidaz hitz egin du. Partida garrantzitsua izateaz gain, asteazkeneko partida prestatzeko ere balioko duela esan du.
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.