Osasunak ezin izan du Vila-real menderatu (2-1), 40. minututik bat gutxiagorekin aritu baita
Osasunak 2-1 galdu du Vila-realen aurka, Ceramica futbol zelaian, 2025-26 denboraldiko EA Sports Ligako 5. jardunaldian, larunbatean. Ante Budimir aurrelari gorritxoak, penaltiz, aurretik jarri du Osasuna lehen zatiko luzapenean, eta Georges Mikautadzek, 70. minutuan, eta Pape Gueyek, 85.ean, sartu dituzte Vila-realen golak.
Osasuna jokalari bat gutxiagorekin aritu da 40. minututik, epaileak Valentin Rosier kanporatu baitu. Horrenbestez, Osasunak 6 puntu dituela jarraitzen du, behin-behinean, sailkapeneko 10. postuan.
Vila-real-Osasuna (2-1): partidako laburpena
Alessio Liscik Sergio Herrera, Rosier, Boyomo, Catena, Juan Cruz, Abel Bretones, Ruben Garcia, Moncayola, Torro, Víctor Muñoz eta Budimir zelairatu ditu hasierako hamaikakoan. Iruñeko taldea ondo aritu da lehen ordu erdian, eta Vila-realek ez du ia aukerarik izan arriskua sortzeko. 19. minutuan, Victor Muñozek abagune ona izan du Osasuna aurretik jartzeko. Minutuek aurrera egin ahala, Marcelinoren gizonak gol aukerak sortzen hasi dira, eta Sergio Herrerak hiru geldiketa bikain egin ditu 33. eta 35. minutuetan, Akhomachen eta Mikautadzeren erremateen aurrean, horietako bi jokaldi berean, baina Nafarroako taldeko atezaina ezin hobeto ibili da.
40. minutuan, Isidro Diaz de Mera epaileak Rosier kanporatu du, bigarren txartel horia aterata. Egoera oso zail jarri zaio Osasunari, baina Lisciren gizonek, luzapenean, 0-1ekoa egin dute, Budimirren bidez; kroaziarrak ez du huts egin Thomas Parteyk egindako penaltia jaurtitzeko orduan.
Bigarren zatian, markagailua Osasunaren alde zegoela eta Vila-realek berdegunean gizon bat gehiago zuela, etxeko taldea hasieratik saiatu da Herreraren atera iristen; atezainak, hala ere, ondo erantzun die etxekoen ahalegin guztiei, aurreneko zatian bezala. Nolanahi ere, 70. minutuan, Mikautadzek 1-1ekoa egin du, buruz.
Vila-realek erasotzen jarraitu du, eta Gueyek 2-1ekoa sartu du 85. minutuan, Oluwaseyi taldekideak egindako jaurtiketa bat nahi gabe desbideratuz. Aurretik, Raul Garcia etxeko taldearen arean jausi da, eta penaltia adierazteko moduko jokaldia izan zitekeen, baina epaileak ez du ezer adierazi. Aurrelariak berak, 88.ean, oso gertu izan du 2-2koa, eta Lisciren gizonak partidaren amaierara arte ibili dira golaren bila. Ez dute lortu, ordea.
Osasunak Elx jasoko du ostegunean Sadarren, eta Cartujara joango da gero, igandean, Betisen aurka jokatzeko. Beraz, gorritxoek 6 puntu izango dituzte jokoan astebetean.
Fitxa teknikoa
2 - Vila-real: Luiz Junior; Pau Navarro (Tani Oluwaseyi, 58. min), Foyth (Renato Veiga, 67. min), Rafa Marin, Pedraza; Ilias Akhomach (Buchanan, 46. min), Gueye, Partey (Comesaña, 58. min), Moleiro (Solomon, 67. min); Pepe eta Mikautadze.
1 - Osasuna: Sergio Herrera, Rosier, Boyomo (Barja, 87. min), Catena, Juan Cruz (Osambela, 46. min); Abel Bretones; Ruben Garcia (Herrando, 46. min), Moncayola, Torro, Victor Muñoz (Becker, 76. min) eta Budimir (Raul Garcia, 76. min).
Golak: 0-1, 49. min: Budimir, penaltiz. 1-1, 70. min: Mikautadze. 2-1, 85. min: Gueye.
Epailea: Isidro Diaz de Mera (Gaztela-Mantxa). Vila-real taldeko Pau Navarro eta Comesaña eta Osasunako Rosier (birritan) eta Torro zigortu ditu, txartel horia aterata.
Nabarmentzekoa: 17.542 zale izan dira Ceramica estadioan.
Zure interesekoa izan daiteke
Boyomo, Lucas Torro, Aimar Oroz eta Arguibide FC Bartzelonaren aurka jokatu ahalko dute, larunbatean
Osasunako lau jokalariak arazo fisikoekin amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira Camp Nouen jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.
Osasunak Alykall Doumbia harrobiko aurrelari azkarrari kontratua 2029ra arte berritu dio
Gainera, talde gorritxoak 2031ra arte luzatu ahal izango du lotura profesionala. Jokalariaren etete-klausula 20 milioikoa izango da, eta 40 milioira igoko da lehen taldeko kide bada.
Valentin Rosierrek bere taldekideekin entrenatu du, Taxoaren
Osasunako jokalariak taldearekin entrenatu ahal izan du, hilabete eta erdi baino gehiago lesionatuta eman ondoren; horrela, hurrengo astelehenean berragertu ahalko litzateke, Levanteren aurkako partiduan.
Lisci kritiko agertu da bere taldearekin, garaipena eta sailkapena lortu arren
"Geldikako jokaldietan askoz kontzentratuago egon behar gara, partida berriro irekitzen utzi dugu baloi geldian eta bigarren jokaldietan. Ez nago pozik abantailaren kudeaketarekin, noski", azpimarrtu du gorritxoen entrenatzaileak Ebrori irabazi ondoren.
Errege Kopako Ebro vs Osasuna kanporaketako laburpena eta golak (3-5)
Osasunak Ebro kanporatu du, txapelketako bigarren kanporaketan, eta final zortzirenetarako sailkatu da. Raul Garcia de Harok bi gol sartu ditu, eta Moi Gomezek, Sheraldo Beckerrek eta Victor Muñozek, bana.
Osasunak Ebro menderatu du (3-5), kanporaketa bizi-bizian, eta Errege Kopako final hamaseirenetan da
Aragoiko taldeak hartu du aurrea, lehen zatiko azken jokaldian, baina, bigarren zatian, Osasunak, Raul Garciak sartutako bi golen eta Moi Gomezek, Beckerrek eta Victor Muñozek ere sartutako hiruren bidez, garaipena eskuratu du.
Kamerunek Enzo Boyomo deitu du Afrikako Kopa jokatzeko
Horrela, Osasunak ez du Boyomo eskuragarri izanen gutxienez Alavesen aurkako partidan, abenduaren 20an. Afrikako Kopa Marokon jokatuko da abenduaren 21etik urtarrilaren 18ra arte.
Lisci: ''Moncayolak eta Aimar Orozek ez dute Ebroren aurkako neurketa jokatuko, arriskurik ez hartzeko''
Kopako aurkariari buruz, Osasunako entrenatzaileak esan du "talde oso lehiakorra" dela, "oso futbolari onekin". "Oso serio hartu behar dugu, talde fisikoa eta geldikako baloietan ona delako. Ez zaude sekula eroso horrelako taldeen aurka", ohartarazi du.