Osasunak Girona mendean hartu du, eta Lehen Mailan jarraitzeko pauso erabakigarria eman du (2-1)
Osasunak 2-1 irabazi du Gironaren aurka Sadar futbol-zelaian, 2024-25 denboraldiko EA Sports Ligako hogeita hamaikagarren jardunaldian.
Talde gorritxoak garaipena lortu du Gironaren aurka, eta jaitsiera postuetatik urrundu da Budimir eta Ibañezen golei esker. Bederatzi jardunaldiren ostean, Osasunaren lehen garaipena izan da.
Budimirrek ireki du markagailua, buruz, 38. minutuan, eta Ibañezek area kanpotik egindako jaurtiketa batekin handitu du etxekoen abantaila, amaierako hamar minutu falta zirenean. Asprilla kolonbiarrak, berriz, aldeak murriztu ditu gehitutako denboran.
Neurketaren lehen minutuetatik, tentsio handia nabaritzen zen zelaian, eta bi taldeen zehaztugabetasunak nabariak ziren. Osasunak partidaren lehen zatian baloiaren jabetza erabili du sendo mantendu den aurkariari min egiteko, eta atsedenaldiaren atarian lehen kolpea emateko aukeraren zain egon da
Budimirrek urteko 16. gola sartu aurretik, kroaziarrak huts argia egin du aukariaren atean. Partida bizituz joan da, eta, 25.ean, Danjumak gola sartu du talde bisitariarentzat, Kataluniako taldearen kontraeraso batean, baina baliorik gabe utzi du epaileak jokoz kanpo zegoelako.
Aukerak bata bestearen atzetik etorri dira Sergio Herrera sendo batekin atepean. 38. minutuan, baina, Aimarren erdiraketa bat baliatu du Budimirrek lehen zutoinean aurrea hartu eta 1-0ekoa jartzeko.
Jokoaren erritmoa moteldu egin da, eta gol aukerak ez dira egon 69. minutura arte; Arnauren jaurtiketa bat Herrerak baztertu eta Stuanik gola egin duen arte, baina gola baliorik gabe geratu da jokoz kanpo zegoelako.
Osasuna atzean sartu da, eta akats horrek puntu asko galarazi dizkio denboraldi honetan. Baina gero Vicente Morenok lauko defentsa egin du, eta estrategia aldaketak eragina izan du talde nafarrak joko zuzenaren aldeko apustua egin duenean.
79. minutuan, Aresoren hegaleko sake baten ondoren, Budimirrek area aurrean utzi dio baloia Pablo Ibañezi, eta horrek jaurtiketa indartsu batekin 2-0ekoa egin du.
Asprillak aldeak murriztu ditu denbora gehituan (2-1), baina Gironak ez du denborarik izan beste ezer egiteko.
FITXA TEKNIKOA
,2 – Osasuna: Herrera; Areso, Boyomo, Catena (Barja, 78. min), Herrando, Bretones (Juan Cruz, 87. min); Moncayola, Torro (Iker Muñoz, 78. min), Aimar (Unai Garcia, 87. min); Ruben García (Pablo Ibañez, 61. min), Budimir.
,1 – Girona: Gazzaniga: Arnau, David Lopez (Van de Beek, 93. min), Krejci, Blind; Tsygankov (Asprilla, 51. min), Romeu (Ivan Martin, 61. min), Arthur, Herrera (Portu, 93. min), Danjuma; Abel Ruiz (Stuani, 61. min).
Golak: 1-0, 38. min: Budimir. 2-0, 79. min: Pablo Ibañez. 2-1, 96. min: Asprilla.
Epailea: Gonzalez Fuertes. Txartel horia atera die Osasunako Barja eta Juan Cruz jokalariei, eta Gironako Stuani jokalariari.
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)