Osasunak porrota jaso du Betisen aurka (0-2)
Osasunak 0-2 galdu du Betisen aurka Sadarren EA Sports Ligako 34. jardunaldiko partidan. 27. minutuan, Moncayolak txartel gorria ikusi du, Mirandari erasoan egindako faltaren ondorioz, epaileak VAReko monitorean gertatutakoa ikusi ostean. Txartel horrek erabat baldintzatu du partidaren bilakaera. Osasunaren estadioko giroa berotu egin da, eta Betisek berehala aprobetxatu du nagusitasun hori. Ayoze eta Fornals izan dira bisitarien golegileak.
Partidako lehen minutuetan, gorritxoek goian egin dute presioa, baina lehen gol aukera 10. minutuan izan du Betisek. Ayozek zutoin ondora jaurti du, eta Sergio Herrerak geldiketa bikaina egin du. 5 minutu geroago, talde gorritxoaren erantzuna etorri da, Mojicaren jaurtiketa batekin, baina Rui Silvak babestutako ateko sarearen hegala jo du.
27. minutuan, Moncayolak txartel gorria ikusi du, Mirandari erasoan egindako falta baten ondorioz, epaileak gertatutakoa VAReko monitorean berrikusi ostean. Jokalari gorritxoak bota altxatu du erdiraketa bat errematatzeko, eta Mirandari buruan jo dio (Moncayolak ez du Miranda ikusi). Txartel gorri polemiko horrek partidaren bilakaera baldintzatu du erabat.
Jokalari bat gutxiagorekin egon arren, Osasuna Betis baino hobeto aritu da, baina 40. minutuan Ayozek aurretik jarri du talde bisitaria (0-1). Eskuinetik egindako erdiraketa bat penalti puntutik errematatu du Ayozek, eta Sergio Herrera gainditu du. Jokaldi horretan, Jagoba Arrasatek gorria ikusi du García Verduraren aurkako protestengatik.
Zelaian gehiago zirela aprobetxatuz, Betisek bigarren gola sartu du atsedenaldira joan aurretik. Willian Josek atzean utzi du Herrando, eta ateko marra ondoraino iritsi da, bigarren zutoinean jarri du baloia, eta Fornalsek nahi bezala egin du gola (0-2).
Zailtasunak zailtasun, Osasunak ez dio partidari aurpegia galdu, eta bigarren zatian markagailua iraultzen saiatu da, baina Catenaren eta Iker Muñozen erremateek zutoina jo dute. Sadarrek txalotu egin du etxeko taldearen erantzuna, gorritxoak azkenera arte saiatu baitira.
Jagoba Arrasateren taldea, salbazioa matematikoki lortuta duela, taularen erdialdean dago.
Fitxa teknikoa
0 – Osasuna: Sergio Herrera; Areso (Juan Cruz, 82. min), Catena, Herrando, Mojica; Moncayola, Iker Muñoz (Huarte, 82. min), Pablo Ibañez (Torro, 66. min); Ruben Garcia (Arnaiz, 66. min), Raul, Peña.
2 – Betis: Rui Silva; Sabaly, Pezzella (Sokratis, 46. min), Chadi Riad, Miranda (Abner, 46. min); Guido Rodriguez, Johnny Cardoso (Rodri, 73. min); Fornals (Carvalho, 74. min), Fekir (Abde, 86. min), Ayoze; eta Willian Jose.
Golak: 0-1, 41. min: Ayoze. 0-2, 48. min: Fornals.
Epailea: Garcia Verdura. Txartel horia atera die Unai Garcia eta Ruben Garcia Osasunako jokalariei, eta gorria Moncayolari (24. min) eta Jagoba Arrasateri (41. min). Horrez gain, txartel horia atera die Miranda eta Rui Silva Betiseko jokalariei.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.