Budimirrek garaipena eman dio Osasunari Almeriaren aurka (1-0)
Osasunak 1-0 irabazi du Almeriaren aurka ostegun honetan Sadarren jokatu den EA Sports Ligako 19. jardunaldian. Gorritxoek hiru puntuak eskuratu dituzte urteko lehen partidan Ante Budimirren golari esker.
Bi taldeek intentsitate handiarekin hasi dute partida, eta horrek akatsak ere ekarri ditu. Herreraren baloi-irteera txarra garesti atera zaie ia gorritxoei, baina atezaina bera ere adi egon da Ramazaniri baloia oinetatik lapurtzeko.
Era berean, atezain bisitariaren aldaratze txar bat aprobetxatu nahi izan du Chimy Avilak txilena batekin, baina jaurtiketa gora joan zaio. Gutxira, Osasunako aurrelariak zelaia utzi behar izan du lesioagatik. Arnaizek ordezkatu du.
Catenak aukera bikoitza izan du penalti puntutik, baina bietan baloiak ez du sarera sartu nahi izan.
Azkenean, zorte pixka batekin, gola Budimirren oinetatik heldu da. Errebote batzuen ostean, Muñozek baloia aurrelariari pasa dio eta, bakar-bakarrik, gola sartu du (1-0).
Bigarren zatian Osasunak baloiaren nagusitasuna izaten jarraitu du eta gol aukera bat edo beste sortu du. Almeriak ere susto pare bat eman die zale nafarrei, baina etxekoen defentsak gaitz handiagoak saihestu ditu.
Arnaizek partidako azken aukera argia izan du, baina bere jaurtiketak langarekin egin du topo. Azken txistuarekin, Osasunak hiru puntuak eskuratu ditu.
Fitxa teknikoa:
1 – Osasuna: Sergio Herrera; Areso (Nacho Vidal, 82. min), Catena, David Garcia, Peña (Juan Cruz, 82. min); Moncayola (Pablo Ibañez, 74. min), Muñoz, Aimar; Chimy Avila (Arnaiz, 14. min), Budimir (Raul Garcia, 74. min), Moi Gomez.
0 – Almeria: Maximiano; Pubill (Chumi, 60. min), Edgar (Arnau, 81. min), Montes, Akieme; Embarba (Lazaro, 71. min), Robertone, Lopy, Ramazani (Milovanovic, 46. min); Baptistao, Arribas (Pozo, 46. min).
Golak: Budimir 1-0 (27. min).
Epailea: Soto Grado. Txartel horia atera die Catena, Robertone eta Chumi jokalariei.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.