Osasunak sufrituta hartu du mendean Deportivo, eta Errege Kopako final-hamaseirenak jokatuko ditu
Osasunak 1-2 irabazi du Deportivoren aurka ostegun honetan Riazorren jokatu duen Errege Kopako bigarren kanporaketako partida, eta final-hamaseirenetarako txartela bereganatu du.
Gorritxoak baloiaren jabe egin dira lehen minutuetan, baina Deportivok ondo eutsi dio eta etxeko taldeak ez dio uko egin erasora jotzeari. Neurketako 23. minutuan, Carlos Doncelek gola sartu du (1-0) Deportivorentzat, falta bat bikain jaurti eta Sergio Herrera atezaina gaindituta.
Nafarroako taldeari asko kostatu zaio galiziarren golari erantzutea. Bazirudien partida etxeko taldearen aldeko abantailarekin iritsiko zela atsedenaldira, baina Kike Garciak banakoa (1-1) jarri du markagailuan 48. minutuan.
Bigarren zatian, nagusi izan da Osasuna, nahiz eta Deportivok aurre egin dion 60. minutura arte; gainera, etxeko taldeak abaguneren bat ere izan du. Deportivok barkatu egin du Sergio Herreraren ate aurrean, eta Budimirrek 1-2koa sartu du 64. minutuan: Kike Garciaren errematea Mckay atezainak desbideratu du, baloia Budimirri iritsi zaio, eta talde gorritxoko aurrelariak ez du barkatu.
Azken txanpan, Deportivo berdinketaren gola sartzen saiatu da, baina Osasuna sendo egon da defentsako lanean, eta gorritxoek garaipena lortu dute (1-2).
Fitxa teknikoa:
1 - Deportivo: Mackay; Trilli (Quiles, 83. min), Trigueros (Lapeña, 70. min), Granero, Aguirre; Villares (Victor Garcia, 58. min), Calavera, De Vicente; Doncel (Miku, 83. min), Noel eta Soriano (William, 70. min).
2 - Osasuna: Herrera; Ramalho (Nacho Vidal, 76. min), Oier, David Garcia, Cote; Roberto Torres (Brasanac, 68. min), Javi Martinez, Iñigo Perez (Juan Cruz, 68. min), Ontiveros (Kike Barja, 68. min); Budimir (Robert Ibañez, 83. min) eti Kike García.
Golak: 1-0, 23. min: Doncel. 1-1, 48. min: Kike Garcia. 1-2, 64. min: Budimir.
Epailea: Cordero Vega. Txartel horiak atera dizkie David Garcia Osasunako jokalariari (29. min), baita Borja Granero Deportivoko futbolariari (88. min). Borja Jimenez Deportivoko entrenatzaileak (70. min) ere ikusi du txartel horia.
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)