Osasunaren garaipen handia Vila-realen etxean (1-2)
Vila-realek eta Osasunak Santander Ligako 9. jardunaldiko partida jokatu dute Zeramikaren Zelaian, eta talde gorritxoak ezustekoa eman du, 1-2 irabazi baitu.
Etxeko taldean, Gerard Moreno aurrelaria izan da nobedadea Unai Emeryren hamaikakoan, eta Jagoba Arrasatek Juan Cruz defentsa hasieratik jarri du gaurko partidan.
Lehen abagunea arin heldu da, 2. minutuan. Parejo lehen gola egiteko zorian izan da, baina, zorionez, Sergio Herrerak baloia aldentzea lortu du.
Talde gorritxoak aurrea hartu du markagailuan 25. minutuan. Kontraerasoko jokaldi bikain bati amaiera ezin hobea eman dio Torrok (0-1) baloia sarera bidaliz. Nafarrek lehen zati oso ona jokatu dute Txapeldunen Ligako talde baten aurka. Lehen zatia amaitzear zenean, Herrerak beste geldiketa on bat egin du, berdinketa saihesteko.
Bigarren zatian, Vila-realen berdinketaren gola 55. minutuan heldu da, Gerard Morenok egin duen erremate ikusgarri baten bidez (1-1). Hortik aurrera, Emeryren taldea jaun eta jabe izan da, baina talde gorritxoak oso partida serioa egin du lerro guztietan.
Eta partida banakoarekin amaitu behar zela zirudienean, Vila-realek huts egin du defentsan, eta bigarren zatian atera den Chimy Avilak Osasunaren bigarren gola egin du (1-2).
HAMAIKAKOAK
1 - Vila-real: Rulli, Foyth, Pau Torres, Mandi, Alberto Moreno (Pedraza, 46. min), Capoue (Coquelin, 46. min), Parejo, Manu Trigueros (Alcácer, 77. min), Danjuma (Chukweze, 77. min), Yeremy Pino (Moi Gómez, 77. min) eta Gerard Moreno.
2 - Osasuna: Sergio Herrera, Nacho Vidal, Unai García, David García, Juan Cruz, Manu Sánchez, Torró, Moncayola, Brasanac, Rubén García (Javi Martínez, 68. min) eta Kike García (Chimy Ávila, 81. min).
Futbol-zelaia: Zeramikaren Zelaia (14.831 ikusle).
GOLAK
0-1, Lucas Torro (25. min)
1-1, Gerard Moreno (55. min)
1-2, Chimy Avila (87. min)
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)