Osasunak barkatu egin du eta esku-hutsik atera da Villamarinetik (1-0)
Betis eta Borja Iglesias gora egiten ari dira denboraldiak aurre egin ahala, eta hala berretsi dute astelehen honetan; izan ere, aurrelari galiziarrak 80. minutuan sartutako gol batek ezerezean utzi du Osasunak ordura arte jokatutako norgehiagoka ona.
Lehen zatiko minutu askotan, eta baita bigarren zatian ere, gorritxoen esanetara egon dira etxekoak. Jonathan Calleri aurrelari argentinarrak buruhauste handiak eragin dizkie, eta bi aukera garbi izan ditu aurreneko 45. minutuetan, baina Joel Roblesv atezainarekin egin du topo.
Manuel Pellegriniren mutilek ere abaguneak izan dituzte, biak Loren Moronen bidez, zutoinera bidalitako burukada batekin eta oso gutxigatik errematatu ezin izan duen baloiarekin.
Gidoia ez da gehiegi aldatu bigarren zatian, eta Osasunak eman ditu lehenbiziko abisuak: batean, Ruben Garciak ez du area barruan buruz ondo errematatu, abagune argia izan arren, eta, bestean, Calleri kamuts agertu da berriz. Betis erantzuten ahalegindu da, baina David Garcia ezin hobeto aurreratu zaio Loreni, hura baloia errematatzera zihoanean.
Hala ere, lehiaren azken zatiak etxekoen kolore berdea hartu du. Telloren jaurtiketa bat eta Alex Morenoren errematea izan dira Borja Iglesiasen 1-0ekoaren atarikoak. Galiziarrak maisutasunez bukatu du etxekoen kontraerasoa 80. minutuan.
Gerora, Fekir eta, berriro ere, Iglesias neurketa behin betiko erabakita uzteko zorian izan dira, baina Osasuna amaierara arte borrokatu da, eta Unai Garciak ezinegona eragin du andaluziarren artean, baina zorterik gabe.
Fiitxa teknikoa:
1 - Betis: Joel Robles; Emerson, Mandi, Víctor Ruiz (Sidnei, 46. min), Álex Moreno; Paul, Canales (Guardado, 86. min), Joaquín (William Carvalho, 57. min), Fekir, Rodri (Tello, 69. min); eta Loren (Borja Iglesias, 57. min).
0 - Osasuna: Sergio Herrera; Nacho Vidal, Unai García, David García, Juan Cruz; Kike Barja (Roberto Torres, 64. min), Moncayola (Javi Martínez, 85. min), Oier, Íñigo Pérez (Adrián, 85. min); Rubén García (Manu Sánchez, 64. min) eta Calleri (Enric Gallego, 76. min).
Gola: 1-0, 79. min: Borja Iglesias.
Epailea: Javier Alberola Rojas. Txartel horiak: Moncayola (Osasuna); Joel Robles (Betis).
Zure interesekoa izan daiteke
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.