Osasunak puntu bat lortu du Levanteren aurka
Osasunak eta Levantek bana berdindu dute Ciutat de Valencia zelaian jokatu den Santander Ligako zazpigarren jardunaldiko partida. Ondorioz, Nafarroako taldeak zortzi puntu ditu, eta sailkapenaren erdialdean dago.
Talde gorritxoak gaizki ekin dio partidari, eta Levante nagusitu da hasierako minutuetan. Etxeko taldeak gola sartu du 5. minutuan, Hernaniren bitartez (1-0). Sei minutu geroago, Ruben atezainak Levanteren bigarren gola eragotzi du, Mayoralen jaurtiketa geldituta. Ruben Garciak izan du neurketa berdintzeko abagunea, 18. minutuan, baina Aitor Fernandez atezainak desbideratu du jokalari gorritxoaren falta jaurtiketa. Levante jaun eta jabe izan da lehen zatian. Talde valentziarrak bigarren gola sartzeko abaguneak izan ditu, eta VAR sistemak baliorik gabe utzi du Rogerrek sartutako gola. Osasuna ezinean ibili da, eta gol bateko desabantailarekin joan da atsedenaldira.
Bigarren zatiari beste itxura eta jarrera batekin ekin dio Osasunak, eta talde gorritxoak gertu izan du gola 50. minutuan, Aitor Fernandez atezainak bikain desbideratu duen Estupiñanen errematearen bitartez. Nafarroako taldearen hasiera onak saria jaso du 57. minutuan: Ruben Garciak Roberto Torresen pase luzea jaso du, kontrol bikaina egin, eta gola sartu du (1-1), Aitor Fernandez atezaina gaindituta.
Levanteren erantzuna etorri da Osasunaren golaren ostean, eta aukera bikoitza izan du 65. minutuan: Ruben atezainak Mayoralen gola eragotzi du lehenengo, eta Miramonen errematea gelditu du ondoren. Partidako 70. minutuan, Hernanik bigarren txartel horia ikusi du Chimy Avilari egin dion sarreragatik, eta jokalari bat gutxiagorekin geratu da etxeko taldea. Aurkariak baino jokalari bat gehiagorekin, Osasunak bigarren golaren bila jo du, eta Nacho Vidalek gertu izan du gola, baina area barrutik egin duen jaurtiketa gora bota du. Azken minutuetan, aukera bana izan du talde bakoitzak: Ruben Osasunako atezainak ondo gelditu du Rochinaren jaurtiketa, eta Chimy Avilarek langa gainetik kanpora bidali du jaurtiketa.
Fitxa teknikoa:
1 - Levante: Aitor, Miramon, Postigo, Vezo, Clerc, Campaña, Radoja, Morales (Rochina, 74. min), Hernani, Roger (Sergio Leon, 74. min) eta Mayoral (Coke, 85. min).
1 - Osasuna: Ruben, Nacho Vidal, Aridane, David Garcia, Estupiñan, Roberto Torres, Oier, Fran Merida (Moncayola, 46. min), Ruben Garcia (Rober Ibañez, 83. min), Adrian (Juan Villar, 83. min) eta Chimy Avila.
Golak: 1-0, 5. min: Hernani. 1-1, 57. min: Ruben Garcia.
Epailea: Soto Grande. Txartel horiak atera dizkie Roger, Aitor, Radoja eta Sergio Leon Levanteko jokalariei, eta Hernani egotzi du 71. minutuan, bigarren txartel horia erakutsi ondoren.
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)