Eibarrek bere zazpigarren porrota jarraian jaso du Espanyolen aurka Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Espanyolen jokalariak goletako bat ospatzen. Irudia: RCD Espanyol Femeni
Eibarrek porrota jaso du berriro (2-0) astelehen honetan Dani Jarque Kirol Hirian, bost partida irabazi gabe zeramatzan Espanyolen aurka, F Moeve Ligako 22. jardunaldiaren itxieran. Horrela, talde armaginak bere zazpigarren porrota jarraian jaso du, eta 17 punturekin jarraitzen du sailkapenean, Alhama El Pozok markatutako jaitsiera postuetatik zortzi puntura.
Sailkapeneko behealdean dauden bi talderen arteko lehia zuzenean, biak ala biak emaitza eta konfiantza dinamika txarrean murgilduta, talde kataluniarrak lehen gola sartu du atsedenaldiaren atarian. Ona Baradadek Naima Garciaren pase bikaina baliatu du armaginen defentsaren bizkarrean, Eunate Astralagari izkin egin eta baloia sareetara bidaltzeko (1-0, 41. minutuan).
Bigarren zatian, Sara Monfortek zuzentzen duen taldeak aldea handitu du. Eskuin hegaletik jokaldi ona egin ondoren, Daniela Caracasek erdiraketa bat jarri du area ertzean, eta Lucia Vallejok baloia ondo kontrolatu eta bere jaurtiketa ezker zutoinaren aldamenean jarri du (2-0, 64. minutuan).
Markagailuko abantailarekin, Espanyolek partidaren azken txanpa kudeatzen jakin du eta hamaikagarren postura, 24 punturekin, igotzea ahalbidetzen dioten hiru puntu ziurtatu ditu.
Zure interesekoa izan daiteke
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Juan Bernat Eibarreko jokalaria, orkatilako bihurdura batekin lesionatuta
Bernatek asteleheneko entrenamenduan jasan zuen bihurdura hau, eskuineko orkatilan.
Jon Guruzetak beste denboraldi batez luzatu du kontratua Eibarrekin
Luzapena dokumentu honetan jasotako klausuletako bat bete delako eman da.
Carmen Alvarezek 2028ra arte berritu du Eibarrekin
Aurrelaria bigarren aldia ari da betetzen Eibarren; 2021ean, Atletico Madrilek utzita ailegatu zen Ipuruara, eta 2024-2025 denboraldian itzuli zen talde armaginera.
Eibarrek seigarren partida irabazi du jarraian, Ipuruan, eta Garitano kolokan utzi du (3-1)
Corpas, Marton eta Adu Aresen golek garaipena eman diete armaginei Cadizen aurka. Gauzak horrela, gora begira jarraitzen dute.
Iñaki Goikoetxea, Eibarren entrenatzailea: "Momentu txarrean gaude, kosta egiten ari zaigu"
F Ligak etenaldia egingo du martxoaren erdialdera arte. Taldeek atseden hartzeaz gainera, dauzkaten indarguneak gogortu eta ahulguneak hobetzeko aprobetxatuko dituzte hurrengo egunak. Eibarren kasua da, Iñaki Goikoetxearen taldeak urrun antzean dauka jaitsiera, baina emaitza txarreko boladan dabil aspaldian.
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.