Eibarrek Huescari irabazi dio eta Alavesen aurka jokatuko du igoerako play-offa (0-1)
Eibarrek garaipena lortu du Huescari egindako bisitan eta bederatzi partidako bolada txarra eten du, Smartbank Ligako azken jardunaldiko norgehiagokan (0-1)
Emaitza horri esker, armaginek bosgarren amaitu dute sailkapenean, eta Alaves laugarren sailkatuaren aurka neurtuko ditu indarrak igoerako play-offeko lehen kanporaketan. Joaneko partida Ipuruan jokatuko dute ekainaren 3an, larunbata, 18:30etik aurrera. Itzulikoa, berriz, ekainaren 8an, osteguna, jokatuko dute, Mendizorrotzan. Beste kanporaketan Levante eta Albacete izango dira aurrez aurre.
Huescak defentsan oinarritu du bere jokoa, hiru zentral zelairatuta, eta Eibarrek, aldiz, erasora jokatzeko asmoa agertu du lehen minutuetan. Horrela, armaginak Andres Fernandezen atearen ingurura gerturatu dira, etxeko taldeak kontraerasora jokatu duen bitartean.
25. minutuan, Javi Martinezek izan du Huescaren aukerarik onena, hurbiletik egindako jaurtiketa batean. Lucak baloia urruntzea lortu du, baloia barrurako bidea zeramanean.
Lehen zatian ez da aukera gehiagorik izan, bi taldeek punteria falta nabarmena erakutsi dute.
Bigarren zatian jokoa ireki egin da, eta erritmoa ere biziagoa izan da. Lehen minutuetan, aukera bana izan dute bi taldeek markagailuan aurretik jartzeko. Huescarena Vilarrasak izan du 46. minutuan, eta hiru minutu geroago armaginena iritsi da, Jon Bautistaren jokaldi batean. Baloia kanpora bidali du Eibar taldeko jokalariak, gutxigatik.
65minutuan, Florian Miguelek ere oso gertu izan du gola, baina bloia ez da ate barrura sartu.
Bi entrenatzaileek aldaketak egin dituzte jokalariak eta jokoa freskatzeko, baina jokoan ez da aldaketarik eman.
Azken minutuetan, Eibarrek gehiago jo du erasora, eta jokaldi horietako batean iritsi da partidako gol bakarra. Matheus brasildarrak egin du 82.minutuan.
Huescak ez du erreakzionatzeko denborarik izan eta hiru puntuak Eibar aldera joan dira.
Fitxa teknikoa
0 - Huesca: Andrés Fernández; Nieto, Rubén Pulido, Jorge Pulido, Florian Miguel, Vilarrasa (Gerard Valentín, 85. min); Cristian Salvador (Tomeo, 71. min), Hashimoto (Aznar, 90. min), Javi Martínez (Juan Carlos, 71. min); Lombardo (Joaquín Muñoz, m. 71) eta Obeng.
1 - Eibar: Luca; Tejero, F. Venancio, Berrocal, Chema; Sergio Alvarez; Javi Muñoz (Nolaskoain, 88. min) Aketxe (Quique, 71. min) Matheus; Stoichkov (Corpas, 71. min) eta Bautista (Rahmani, 59. min).
Gola: 0-1, 82. min: Matheus.
Epailea: Milla Alvendiz (Andaluziako batzordekoa). Txartel horia atera die Eibar taldeko Javi Muñoz, Berrocal eta Corpas jokalariei, eta gorria F. Venancio armaginari 94. minutuan.
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.