Eibarrek lehen postua galdu du, Las Palmasekin etxean galduta (0-1)
Eibarrek galdu egin du Ipuruan, Smartbank Ligako 39. jardunaldian, UD Las Palmas taldearen aurka jokatutako partida. Neurketa garrantzitsua zen armaginentzat, sailkapeneko lehenengoa (Eibar) eta bigarrena (UD Las Palmas) izan baitira lehian, Lehen Mailara igoera zuzena helburu duten bi talde.
Kanariarrak 0-1 gailendu dira azkenean, eta, hiru puntuei esker, sailkapeneko lehen postua kendu diete gipuzkoarrei, puntu kopuru bera duten arren. Partidako gol bakarra Sandrok egin du, norgehiagokako 50. minutuan.
Eibar behin eta berriro saiatu da gola egiten, baina Valles atezainak erantzun bikainak eman dizkie armaginen saiakerei. Javi Muñozek eta Anaitz Arbillak izan dituzte aukera argienak, azken horrek luzapenean.
39. jardunaldia amaituta, Smartbank Ligako sailkapena oso estu dago. UD Las Palmas da lider, 67 punturekin, eta Eibar dago bigarren, beste horrenbesterekin; ondoren, Granada eta Alaves daude, 66 punturekin, eta Levante bosgarren da, 65ekin.
Liga amaitzeko hiru jardunaldi bakarrik falta dira, eta edozer gerta daiteke.
Fitxa teknikoa
0. Eibar: Luca, Tejero, Venancio, Arbilla, Ríos Reina (Nolaskoain, 87. min), Sergio Álvarez, Matheus, Corpas (Troncho, 65. min), Javi Muñoz (Arana, 73. min), Quique (Rahmani, 65. min) eta Bautista (Blanco Leschuk, 73. min).
1. Las Palmas: Valles, Lemos, Alex Suárez, Coco, Cardona, Álvaro (Marvin, 63. min), Loiodice, Kirian (Andone, 82. min), Jonathan Viera (Óscar Clemente, 38. min), Moleiro (Kaptoum, 82. min) eta Sandro (Marc Cardona, 63. min).
Epailea: Francisco Hernandez Maeso, Extremadurako batzordekoa. Txartel horia atera die Venancio, Sergi Cardona, Arbilla, Matheu, Marc Cardona, Valles eta Marvin jokalariei.
Gola: 0- 1, 51. min. Sandro.
Zure interesekoa izan daiteke
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.