Eibarrek 0-1 irabazi du Teneriferen aurka
Eibarrek Tenerife mendean hartzea lortu du larunbat honetan, martxoaren 4an, sendo jokatuta. Ia gol aukerarik sortu gabe izan duten abagune bakanetako batean sartu dute partidako gol bakarra armaginek, eta abantailari eusten jakin dute.
Eibarrek etekin handiena lortu du Teneriferen aurka, aurkariaren atera jaurtiketa behin bakarrik jaurtita, eta hiru puntu eskuratu ditu. Garaipen honekin beste astebetez Lehen Mailara igotzeko postuetan daude armaginak. Hasiera baten, etxeko taldearentzat mehatxu bikoitza zen Eibarren bisita jasotzea: alde batetik, bazkielako Lucaren atera hurbiltzea oso zaila izango zela, eta, bestetik, erasoko jokalariak edozein unetan Soriano lan egitera behartzeko gaitasuna zeukatelako.
Baina, lehen ordu erdian etxekoek Eibar bere zelaian zokoratzeko gai izan dira, abagune argirik sortu ez duten arren. Ivan Romero saiatu da urruneko jaurtiketa batekin, baina baloiak Luca Zidaneren eskuetan amaitu du. Pixkanaka, Eibar hobetzen joan da, batez ere baloia zeukanean, eta erasoan grin handiagoa erakutsi du. Hala, Corpasen gol ederrarekin (35. min) Gipuzkoako taldeak aurrea hartu du markagailuan.
Gol bateko errentarekin amaitu da lehen zatia, eta bigarrenaren hasieran Waldoren erdiraketak Luca Zidani lajn egin arazi dio. Leonek aukera ona izan du berdintzeko 57. minutuan; Nachok jaurtitako kornerra errematatu du, baina Lucak gola saihestu du. Handik gutxira Leonek areaz kanpo eginiko beste saiakera bat gelditu du atezain armaginak.
Eibarrek maila ona eman du defentsan amaierako minutuetan ere, eta beste garaipen bat bereganatu du.
Fitxa teknikoa:
0.- Tenerife: Soriano; Mellot, Sipcic, León, Nacho; Waldo (Teto, 82. min), Alexandre, Aitor Sanz (José Ángel, 73. min), Iván Romero; Enric Gallego eta Borja Garcés (Elady, 73. min).
1.- Eibar: Luca; Sergio Alvarez, Venancio, Berrocal, Arbilla; Javi Muñoz, Nolaskoain; Corpas (Vadillo, 66. min), Soichkov (Aketxe, 66. min), Rahmani (Quique, 66. min); eta Bautista (Blanco Leschuk, 59. min).
Gola: 0-1, 35. min: Corpas.
Epailea: Alejandro Quintero González. Txartel horiak: Elady (83. min), Corpas (1. min), Bautista (18. min) eta Gaizka Garitano (79. min).
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.