Eibarrek markagailua irauli eta hiru puntu bildu ditu Burgosen etxean (1-2)
Eibarrek kontra zeukan emaitza iraulita irabazi dio Burgosi ostegun honetan (1-2), eta urrezko hiru puntu eskuratu ditu datorren denboraldian Lehen Mailara itzultzeko lehian. Helburu horrekin amets egiten jarraitzen du oraindik ere Burgosko taldeak, nahiz eta galdu, sailkapeneko bigarren postuan baitago.
Eibarrek kontra zeukan emaitza iraulita irabazi dio Burgosi ostegun honetan (1-2), eta urrezko hiru puntu eskuratu ditu datorren denboraldian Lehen Mailara itzultzeko lehian. Helburu horrekin amets egiten jarraitzen du oraindik ere Burgosko taldeak, nahiz eta galdu, sailkapeneko bigarren postuan baitago.
Burgosek Gaspar Camposen golari esker hartu du aurrea lehen zatian (37. min), baina armaginek temati jarraitu eta sari handia eskuratu dute partidaren azken txanpan, Stoichkoven (75. min) eta Leschuken (75. min) bitartez.
Euskal taldeak hasieratik jarri dizkio gauzak zail Burgosi, Caro etxekoen atezainari kanpoko jaurtiketen bidez lana emanda: lehenengo Tejero eta gero Bautista saiatu dira era horretan. Beste atean, Mumo ahalegindu da Luca Zidane gainditzen, baina Gaizka Garitanoren taldea nagusi zen zelai gainean.
Burgosek Eibarren defentsak lo hartu duen jokaldi bat baliatu du 1-0ekoa sartzeko, Gaspar Camposek area kanpotik egindako jaurtiketa ikusgarri batekin.
Stoichkovek gertu izan du berdinketa bigarren zatia hasi bezain laster, baina armaginen aurrelariak behin eta berriz egin du topo Carorekin. Alabaina, Cadizeko aurrelariak orekatu du markagailua korner baten irteeran. Etxekoen atezainak kale egin du baloia urruntzeko garaian, eta Stoichkovek bidali du sareetara, ia nahi gabe (1-1).
Bisitariek bigarrenaren bila jo dute, eta hura amaierarako 3 minutu besterik falta ez zirenean iritsi da. Corpasek sakonean bidalitako baloi bat jaso du, Leschuki utzi dio eta azken horrek ez du barkatu eta 1-2koa erdiesteko.
Fitxa teknikoa:
1 - Burgos: Caro, Borja González (Areso, 75. min), Córdoba, Elgezabal, Zabaco (Raúl Navarro, 68. min), Matos, Curro, Atienza, Mumo (Grego Sierra, 68. min), Gaspar Campos (Artola, 75. min) eta Bermejo (Mourad, 27. min).
2 - Eibar: Luca, Tejero (Correo, 61. min), Berrocal, Arbilla, Ríos Reina (Leschuk, 61. min), Nolaskoain, Javi Muñoz, Corpas, Stoichkov, Vadillo (Troncho, 79. min), eta Bautista (Imanol, 61. min).
Golak: 1-0, 37. min: Gaspar Campos. 1-1, 75. min: Stoichkov. 1-2, 87. min: Leschuk.
Epailea: Hernández Maeso. Txartel horiak: Mourad, Zabaco, Curro Sánchez eta Matos (Burgos); Vadillo eta Rober Correa (Eibar).
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.