Burua altxatu ezinda jarraitzen du Eibarrek (1-3)
Vila-realek apur bat gehiago hondoratu du Eibar sailkapeneko azken postuetan, armaginei 1-3 irabazita. Bisitarien hiru golak kontraerasoen bitartez iritsi dira Moi Gomezen, Baccaren eta Pedrazaren eskutik. Horrenbestez, hamar dira jada armaginek irabazi ez dituzten neurketak.
Castelloko taldea 0-2ko alde erosoarekin iritsi da atsedenaldira; izan ere, etxekoek ez dute baliatu euren alde izan duten penalti jaurtiketa lehen zatia amaitzear zela, Estupiñanek area barruan baloia eskuz ukitu ostean. Alabaina, Esteban Burgosek ez du asmatu bere ahaleginean, eta Asenjok penaltia gelditu dio.
Bigarren zatian, Mendilibarren mutilek aldea murriztu dute Enrichen urruneko jaurtiketa batean. Gainera, Vila-real 10 jokalarirekin geratu da 79. minutuan, Capouek Diopi egindako sarrera gogor bategatik. Dena den, Eibarrek ez du aprobetxatu jokalari bat gehiagoz ari zela, eta 86. minutuan behin betiko 1-3koa sartu diote.
Fitxa teknikoa:
1 - Eibar: Dmitrovic; Arbilla, Oliveira, Burgos (Pozo, 83. min), Cote (Soares, 35. min); Diop, Aleix García (Kevin Rodrigues, 46. min), Inui (Enrich, 46. min), Expósito (Sergio Álvarez, 78. min), Bryan Gil eta Kike García.
3 - Vila-real: Asenjo, Costa (Mario, 65. min), Foyth, Funes Mori, Estupiñán, Trigueros, Parejo, Capoue, Moi Gómez (Pedraza, 65. min), Gerard Moreno eta Bacca (Chukwueze, 65. min).
Golak: 0-1, 1. min: Moi Gómez. 0-2, 34. min: Bacca. 1-2, 56. min: Sergi Enrich. 1-3, 87. min: Pedraza.
Epailea: David Medié Jimenez. Txartel gorri zuzena atera dio Capoueri (Vila-real), Diopi egindako sarrera gogor bategatik, baita Vila-realen aulkiko kide bati ere. Txartel horiak: Arbilla eta Gil (Eibar); Pedraza eta Sergio Asenjo (Vila-real).
Zure interesekoa izan daiteke
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Sara Martinek Eibarrekin duen kontratua luzatu du, 2026-2027 denboraldirako
Aurrelaria 2025ean iritsi zen talde armaginera, Real Madriletik, eta, Eibarreko jokalari gisa eman duen lehen denboraldian, 1.600 minututik gora jokatu ditu.
Zer egin behar du Eibarrek igoerako play-offerako sailkatu ahal izateko?
Beñat San Joseren taldeak, 41. jardunaldian 2-0eko emaitzarekin Kordoba garaitu zuenak, EA Sports Ligara igoerako play-offa jokatzeko aukerak dituela du, baina ez dago soilik bere esku: SkyFi Castalian irabazi beharko du, eta Burgosek El Plantio zelaian Andorraren aurka punturik ez lortzea behar du.
Eibarrek garaipena lortu du Kordobaren aurka, eta dena azken jardunaldian erabakiko da (2-0)
Armaginek ez dute igoera euren esku bakarrik, aurretik dituztelako Castello eta Burgos, bi puntuko aldearekin.
Peru Nolaskoain: “Oso pozik nago, egon nahi dudan lekuan nago”
Peru Nolaskoain Eibarko jokalariak prentsaurrean hitz egin du. Aste honetan, lau denboraldirako luzatu du kontratua armaginekin, eta oso pozik dagoela esan du.
Adela Ricok kontratua berritu du Eibarrekin 2027ra arte
Extremadurako erdilaria joan den udan iritsi zen talde armaginera, Cacereñorekin F Ligara igotzeko zorian izan ondoren.
Peru Nolaskoainek Eibarren jarraituko du 2030era arte
Zumaiako jokalariak 120 partida jokatu ditu armaginen elastikoarekin, 10 gol sartuta.
Ezusteko porrota hartu du Eibarrek Leonen (2-1)
Armaginek bi gol jaso dituzte hiru minututan eta puntuek ihes egin diete maila ia galduta duen Cultural Leonesaren aurka. Corpasek aldea murriztu du, penaltiz, 86. minutuan.
Javi Martoni ebakuntza egin diote, eskuineko eskuko hirugarren metakarpo-hezurrean daukan haustura sendatzeko
Eibarreko aurrelari nafarrak igandean min hartu zuen, talde armaginak, Anduvan, Mirandesen aurka jokatu zuen partidan.