Ipuruak poztasun bat jaso nahi du Real Madrili irabazita
Txapeldunen Ligan PSG atzean utzi eta final-laurdenetarako txartela lortu ostean, Real Madrilek izan dezakeen pultsazio beherakada aprobetxatu nahi du Eibarrek larunbat honetan. Eibartarrek ukabilkada bat eman nahi dute mahai gainean, Europarako sailkapena ematen duten postuekin amesten jarraitzeko.
Jose Luis Mendilibar armaginen entrenatzaileak jakin badaki nolako zailtasuna duen talde zuria azpiratzea, baina ez du horregatik eginahalik egin gabe utziko.
Eibartarren entrenatzailearentzat albisterik okerrena Fabian Orellana txiletarraren baja da, bizi duten egungo bolada onean parte-hartze nabarmena izaten ari dena. Itxura guztien arabera, Pedro Leon izan liteke bere ordezkoa hasierako hamaikakoan, Inui japoniarrarekin batera hegal bietatik arriskua eramateko asmoz. Goialdean, berriz, Kike Garcia bueltatuko da, eta atzealdean, Ramis, Riazorren izan zuten atsedenaldiaren ostean.
Talde madrildarrari dagokionez, partida erosoak izan ditu ia beti Ipuruan. Bertan jokatu duen hiru alditan beste horrenbeste garaipen erdietsi ditu (2016-17an, 1-4; 2015-16an, 0-2 eta 2014-15ean, 0-4).
Alabaina, ezin da eibartarrez fio; izan ere, aurten, hasiera kaskar baten ostean, bere onera itzuli da eta oso irmo ari da defentsa lanetan, batez ere etxean, non 15 gol bakarrik jaso dituen.
Balizko hamaikakoak:
Eibar: Dmitrovic; Capa, Arbilla, Paulo, Cote; Dani García, Diop, Pedro Leon, Jordan, Inui; eta Kike Garcia.
Real Madril: Keylor Navas; Carvajal, Nacho, Sergio Ramos, Theo; Kroos, Modric, Isco, Bale; Cristiano Ronaldo eta Benzema.
Epailea: Munuera Montero.
Futbol-zelaia: Ipurua.
Ordua: 13:00
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.