Garitanoren etorkizuna, jokoan
Alex Arantzabal Eibar taldeko presidenteak baieztatu duenez, Gaizka Garitanok ez du armaginekin jarraituko datorren denboraldian, deriotarraren kontratuko klausula baten arabera, taldeak Lehen Mailan jarraituz gero, zuzenean jarraitzeko aukera izan arren.
Bigarren Mailara jaitsi ziren armaginak maiatzaren 23an, eta, egun horretan, Kordobaren aurkako partidaren ostean eskaini zuen prentsaurrekoan bere etorkizunaren inguruan galdetu ziotenean, Eibarren egindako aroari amaiera emateko prest zegoela esan zuen Garitanok, ez zuelako lortu mailari eustea.
Hala ere, Elx taldeak dituen zorrak direla-eta Ligako epaileak Elx jaistea erabaki ondoren, Eibarrek Lehen Mailan jarraituko du, eta horrela planifikatu du datorren denboraldia.
Entrenatzaileak, beraz, armaginen aulkian jarraitzeko aukera du, kontratuaren arabera, baina Garitano ez dela geldituko aurreratu zuen astelehenean Arantzabalek. Hala ere, Eibarko zuzendaritza-batzordeak datorren astelehenean emango du azken erabakia.
?Gaizka Garitanok aurretik esandakoa besterik ez dut esaten nik; bere aroa bukatu egin zela iragarri zuen, eta guk ere horrela uste dugu?, azaldu zuen armaginen presidenteak.
Hala ere, esan bezala, azken erabakia datorren astelehenean emango dute jakitera.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.