Mikel Gonzalezek kontratua berritu du, eta Athleticen futbol zuzendari izaten jarraituko du 2030era arte
Mikel Gonzalez, Athleticen futbol zuzendari nagusia, Jon Uriarte Athleticen presidentearekin batera. Irudia: Athletic Club
Athleticek baieztatu duenez, Mikel Gonzalezek 2030eko ekainaren 30era arte jarraituko du klubeko futbol zuzendari nagusi izaten. Kargu horretara 2022ko azaroan iritsi zen.
Gonzalez 2022ko ekainean sartu zen Athleticen, Jon Uriarte presidentetzara iritsi zenean, ordura arte Alavesen kirol zuzendariaren ondoko ibili ondoren.
Kirol Arloko Zuzendaritza Batzordean sartu zen lehenik, Kirol Garapeneko zuzendari gisa, eta, ondoren, CEO izatera pasa zen, Uriarteren agintaldiko lehen hilabeteetan "erabaki eta proiektu garrantzitsuenetan funtsezko rolarekin" parte hartu ostean.
"Taldeen osaketaren eta salerosketen arduradun nagusia izateaz gain, Mikel Gonzalezek bere arloko plan estrategikoa aurrera eramaten jarraituko du, epe ertain eta luzerako funtsezko ikuspegiarekin, Lezamara maila guztietako futbolariak ekartzea barne", azpimarratu du talde zuri-gorriak.
Zure interesekoa izan daiteke
Milanek Nerea Nevado atzelari zuri-gorri ohia fitxatu du
Bizkaitarrak 47 zenbakiarekin jokatuko du bere talde berrian. Joan den ekainaren 1ean jakinarazi zuen Athleticek atzelari santurtziarrak ez zuela talde zuri-gorrian jarraituko, nahiz eta kontratua berritzeko eskaintza mahai gainean izan. Jokalariak Ibaiganeren eskaintza ez onartzea erabaki zuen.
Nico Williamsek “gradu moderatuko lesioa” du eskuineko aduktorean
Azterketen emaitzek ez dute baztertzen 2026ko Munduko Txapelketan berriz jokatzeko, Espainiako selekzioak txapelketan egiten duen ibilbidearen arabera.
Victor Martin, emakumezkoen Athletic taldeko entrenatzaile berria
Denboraldi baterako sinatu du Bizkaiko klubarekin. Aurretik, Madril CFF eta Atletico Madril taldeak entrenatu ditu F Ligan, eta urtarrilean kendu zuten talde koltxoneroaren entrenatzaile kargutik.
Regok 2030era arte luzatu du kontratua Athleticekin
23 urteko jokalariak iazko abuztuan egin zuen debuta lehen taldearekin, eta 41 partida ofizial jokatu ditu ordutik.
Yuri Berchichek Athleticekin berritu du, 2026-2027 denboraldirako
36 urteko ezker hegaleko atzelariak gutxienez beste denboraldi bat emango du talde zuri-gorrian. 2018an iritsi zen bertara, Paris Saint-Germain taldetik.
Nico Williams: “Nire kontratu osorik betetzea oraintxe bertan sinatuko nuke, baina futbolean edozer gerta daiteke"
Jokalari zuri-gorriak urte zaila izan du arazo fisikoen ondorioz, eta zale zuri-gorriek jasotako babesa itzuli nahi diela esan du. Williams Munduko Txapelketa jokatzen ari da egunotan, Espainiarekin.
Oscar de Marcos Athleticen talde teknikoan izango da, Edin Terzicek berak eskatuta
Guardiako futbolaria izan zen 573 partida jokatu zituen 2009 eta 2025 bitartean talde zuri-gorriarekin. Bilboko klubak orain zabaldu duenez, lan bikoitza izango du Lezaman: “jokalariak garatzea eta aldagelarekin konektatzea”.
Astralaga, Gara, Amaia Martinez, Artero eta Iribarren Athleticera itzuliko dira, utzita ibili eta gero
Iragan denboraldian F Ligako taldeetan utzita jokatu zuten bost jokalariek. Guztiek, Amaia Martinezek izan ezik (2028), 2027ra arte dute kontratua.
Unai Simon, Munduko Txapelketako lehen partida jokatuta, selekzioetako lau txapelketa handitan ibilitako Athleticen lehen futbolaria da
Atezain murgiarrak 2020ko Eurokopa (2021ean izan zen hori), 2022ko Munduko Txapelketa eta 2024ko Eurokopa jokatu zituen, eta, 2026ko Munduko Txapelketa kontuan izanik, selekzioetako lau txapelketa handi daramatza. Halaber, 2021ean, 2020ko olinpiar jokoetan ere aritu zen.