Manuel Gonzalez Etura Athleticeko jokalari ohia zendu da, 93 urte zituela
Athleticek besoko beltza eramango du haren omenez igandean, Betisen aurka. Hileta elizkizuna Deustuko San Felicisimo parrokian izango da, astelehenean, 19:00etan.
Manuel Gonzalez Etura eta Jose Angel Iribar. Irudia: Athletic Club
Manuel Gonzalez Etura hil da, 93 urte zituela, hamaikako abarkadunen talde historikotik bizirik geratzen zen hiru jokalari ohietako bat, Ibaiganek jakinarazi duenez. Real Madrilen aurkako Kopa irabazi zuen talde hark. Athleticek besoko beltza eramango du haren omenez igandean, Betisen aurka.
Hileta-elizkizuna Deustuko San Felicisimo parrokian egingo da, astelehenean, 19:00etan.
Sestaoko erdilariak "arrasto ikaragarria" utzi du Bilboko klubean. "Taldeko futbolaria izan zen, eta partida ahaztezin hartan Alfredo Di Stefano ezerezteko gai izan zen", ekarri du gogora du Bizkaiko taldeak.
"Are distiratsuagoa zen bere izaeragatik, pertsona atsegina zen eta, Athleticen ekintzetan parte hartzen zuena", gaineratu du. 2019an egin zituen azken agerraldi publikoak, Athleticen omenaldia jaso zuenean,orduko taldekideekin batera, eta Jose Angel Iribarren estatua estreinatu zenean, 125. urteurreneko ekitaldian ere ez zuen hutsik egin.
Etura Getxora iritsi zen Barakaldoko Aranan eta San Pedron hasi ondoren, eta 13 denboraldi jokatu zituen lehoi gisa, guztira 247 partida. Hiru Kopa irabazi zituen (1955 eta 1956 Ferdinand Dauciken eta 1958an Baltasar Albenizen aginduetara). 1956an Liga txapelketa ere irabazi zuen.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.