Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.
Rayok eta Athletic Clubek 1-1 berdindu dute Vallecasko estadioan, EA Sports Ligako 26. jardunaldiko partidan. Jorge de Frutosek lehen zatian sartu du etxekoen gola, eta Iñaki Williamsek bigarren zatiaren hasieran egin du bisitariena.
Sailkapen nagusian 35 puntu bilduta, zuri-gorriek Europarako txartela ematen duen 6. postua lortzeko ibilbidea eten dute.
Talde zuri-gorriak partidaren hasieratik sufritu du. 3. minutuan, Pacha Espinok abagune arriskutsua izan du hegaletik egindako erremate batekin, eta Unai Simonek ondo erantzun dio. 6 minutu geroago, Lejeune gola egiteko zorian egon da, Gumbauk urrutitik erdiratu ostean, burukada bikaina eginez. Baloiak zutoina jo du, Simonek horren ibilbidea apur bat desbideratu eta gero.
Athleticek zailtasun handiak izan ditu jokoa sortzeko, eta ez du luzaroan baloia kontrolpean izaterik lortu. Sakontasunik gabe eta aurkariaren atera ia hurbildu gabe, zuri-gorriek ez dute ate artean jaurtiketarik egin lehen 45 minutuetan. Bien bitartean, Rayo etengabe aritu da erasoan.
26. minutuan, De Frutosek hegaletik irabazi du hondoko marra, sake baten ostean, eta Alvarok behe-behean egindako burukada baterako erdiraketa egin du. Unai Simon berriro agertu da taldeari eusteko, geldiketa bikaina eginez.
Defentsako ahalegina ez da nahikoa izan atsedenaldira berdinduta iristeko. 35. minutuan, balizko jokoz kanpoko bat aztertzeko VAR sistema kontsultatu eta gero, De Frutosek Alvaroren pasea baliatu du 1-0ekoa egiteko. Atsedenaldiaren aurretik, De Frutosek Simon gainditu du berriro, baina epaileak gola baliogabetu du jokoz kanpo zegoelako.
Bigarren zatia hasi eta berehala iritsi da Ernesto Valverderen taldearen gola. Iñaki Williamsek egindako golak 1-1ekoa jarri du markagailuan.
Athleticek hobera egin du, zelaian hobeto antolatuta areara iristeko, baina minutuak igaro ahala, azken metroetan sakontasuna galdu du berriro, eta ez dio gol gehiago egin Rayori. Etxeko taldea, berriz, azken unera arte saiatu da, baina Unai Simon atezaina aurkitu du behin eta berriro atepean.
Iñigo Ruiz de Galarreta, eskuin sorbaldan min hartuta, zalantza da Realaren aurkako Errege Kopako itzuliko partidan
Athleticeko erdilaria lesionatuta erretiratu da Rayo Vallecanoren aurkako partidan eskuin sorbaldan min hartuta, eta lau egunetan Realaren aurkako Errege Kopako itzuliko neurketan egotea "zaila" izango da.
Zure interesekoa izan daiteke
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Lerga: "Ligako etenaldia burua lasaitzeko baliatuko dugu"
Datozen bi asteko geldialdiaren ostean, Athleticek indarberrituta eman nahi dio jarraipena F Moeve Ligari. Javi Lerga entrenatzaileak azken partidetan izandako emaitzen balorazioa egin du.
Valverde: "Gure lehentasuna Vallecas da, Anoeta iritsiko da"
Athleticeko entrenatzaileak Rayo Vallecanoren aurka EA Sports Ligako 26. jardunaldian jokatuko duten partidari buruz hitz egin du (adierazpenak gaztelaniaz).
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.