Athletic eta Nico Williams, irmo jokalariak jasotako kritiken aurrean: "Denak ez du balio"
Athletic Clubek eta Nico Williams jokalariak, bi aldeek "adostutako" komunikatu batean gogorarazi dutenez, "denak ez du balio" jokalariei egindako kritiketan, astearte honetakoa bezalako partiden ostean. Izan ere, Osasunaren aurkako neurketak (1-1) Kopako finalik gabe utzi zuen Bilboko taldea, eta lehian zehar Williams anaietako gazteenak bi aukera garbi huts egin zituen, markagailuan 1-0ekoa zegoela. Sartu izan balitu, joaneko partidako 1-0ekoari buelta emateko aukera izango zuketen zuri-gorriek, baina ez zen hala gertatu.
Aipatu abagune horiek baliatu ez, eta horren ostean jasotako kritiken eraginez, Nico Williamsek sare sozialetako bere profilak itxi ditu.
Klubak plazaratuta oharrak horrela dio: "Nico Williamsen profil sozialak ixteak sortu duen zalapartaren aurrean, berarekin adostuta adierazi nahi dugu, Kopatik kaleratuta izatearen eta erabiltzaile batzuek sare sozial horietan irain eta errespetu falta gisa egindako presioak eragin zuten kolpe gogorraren ondoren, Nicok bere profil ofizialak desaktibatzea erabaki zuela".
Bestalde, oharrean gaineratzen da Nicok "eskerrak eman" nahi dizkiela atzo San Mamesen txalo zaparrada batekin babesa eman zioten zaleei, eta gaur "maitasuna helarazten ari zaizkion guztiei".
Komunikatuaren azken aldera Athleticek eta Williamsek eskatzen dute "denon artean indarra egiteko" sare sozialetan horrelako jarrerak desagerrarazteko, eta nabarmendu dute kritikatzeko garaian dena ez dela zilegi.
LaLigaren babesa
LaLigak ere publikoki adierazi dio babesa Nico Williamsi, Twitterreko bere kontuan plazaratutako mezu baten bitartez:
"LaLigak babesa ematen dio Nico Williams Athleticeko jokalariari, eta edozein irain eta errespetu falta gaitzesten du", adierazi du klubak barne hartzen dituen erakundeak.
"Zale zuri-gorrien baldintzarik gabeko babesa ez dadila zikinduta gera ezeren zale ez direnen jokabide txarrarengatik. Ligak eta klubek lanean jarraituko dute jokabide horiek desagerrarazteko", gaineratu du ohar horretan.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.