Unai Simon izango da Athleticekin ligako partida gehien jokatuko dituen bederatzigarren atezaina
Unai Simon Athleticeko atezain internazionalak bere 129. liga partida jokatuko du talde zuri-gorriarekin datorren larunbatean, Reale Arenako euskal derbian Realaren aurka. Horrela, Iñaki Lafuente gaindituz (128), txapelketa honetan partida gehien jokatuko dituen bederatzigarren atezaina izango da Bilboko taldearen historian.
Simonek (Gasteiz, 1997-6-11) Jose Angel Iribar mitikoa izango du aurretik sailkapen historiko horretan, 466 neurketekin, baita Carmelo Cedrun (334), Gorka Iraizoz (315), Raimundo Perez Lezama (197), Juanjo Valencia (172), Andoni Zubizarreta (169), Dani Aranzubia (162) eta Vicente Biurrun (151) ere.
Kadete mailatik Lezaman hezitakoak ustekabeko debuta izan zuen lehoi gisa 2018ko abuztuaren 20an, San Mamesen, Leganesen aurka, ordura arte Bigarren Mailan zegoen Elxen utzita egon ostean.
Eduardo Berizzo entrenatzaileak jokalaria Martinez Valerorako bidean jarri eta hiru astera bueltan ekartzea erabaki zuen; izan ere, Kepa Arrizabalagak Chelseara alde egin zuen, Iago Herrerin lesionatu egin zen eta Alex Remiro nafarrak kontratua berritzeari uko egin zion.
Zazpi partida jokatu ondoren, Herrerinen susperraldiak aulkira eraman zuen, eta denboraldi horretan (2018-19) Kopako lau partida jokatzeko bakarrik itzuli zen hamaikakora. Hurrengo denboraldian, ordea, titularra izan zen, eta arazo fisikoengatik, zigorragatik edo atsedenagatik izan ezik, gaur egun arte hala mantendu da.
Gainera, 2020ko azaroan nazioarte mailan debuta egin ondoren, Simonek 31 partida jokatu ditu Espainiako selekzioan, tartean 2020ko Eurokopa eta 2022ko Qatarreko Munduko Kopa. Baita ere, 2021ean zilarrezko domina eskuratu zuen Tokioko Olinpiar Jokoetan.
Zure interesekoa izan daiteke
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.