Athleticek Eldense jipoitu du Kopan aurrera egiteko (1-6)
Athleticek gol zaparrada sartu du Eldan Deportivo Eldenseren aurka, 1-6, Errege Kopako final-zortzirenetarako txartela lortzeko, hurrengo kanporaketarako datorren larunbateko zozketari begira jokoan zegoen azkena.
Nico Williams, Alex Berenguer, Oier Zarraga, Ruben Correia (bere atean) eta Iker Muniainen golek osatu dute garaipena.
Emaitza ez da zelaian ikusitakoaren ispilu izan, Eldensek ez baitu hainbeste zigor merezi izan. Athleticek sufritu egin du lehen ordu erdian oso ondo defendatu duen aurkari baten aurka eta sustoren bat ere jasan du.
Athleticek ez du barkatu, bi aldaratzetan eta sei minututan kanporaketa erabakita utzi duelarik.
Lehen gola Nico Williamsek egin du, bere defentsari gailenduta, Stamatakisen aldaratzea jasotzeko, lehenago Berenguerren jaurtiketa gelditu duena.
Eta handik gutxira aldaratze berri bat aprobetxatu duena Berenguer izan da, Yuriren falta jaurtiketa bati erantzunez bigarren gola sartzeko.
Eldensek aldageletatik bueltan egindako pare bat ekintzek partida berriro irekitzeko mehatxua egin dute, baina berriro ere bere aukerak barkatu ditu eta Athleticek bereak aprobetxatu.
Area barruan bere eginbeharra bete dutenak Zarraga (penalti puntuan errematatu du Muniainen erdiraketa) eta Berenguer izan dira.
Partida erabakita zegoela (0-4), Eldenseri ohorezko gola sartzeko adorea eman dio Soberonek.
Ez da hor geratu eta Athleticek beste bi gol sartu ditu. 1-5ekoa Correiak, Berenguerren erdiraketa bat urrundu nahian, eta Muniainek 1-6koa bere itzulera ospatzeko.
Fitxa teknikoa
1 - Eldense: Stamatakis; Xavi Estacio, Pajarero (Carlos Hernandez, 58. min), Diego Gonzalez, Alex Martinez (Correia, 66. min); Sergio Ortuño, Pardo (Carlos Cerdan, 84. min), Cris Montes, Fran Carnicer (Clemente, 58. min); Juanto (Soberon, 58. min) eta Manu Nieto.
6 - Athletic: Agirrezabala; Lekue, Vivian, Yeray (Paredes, 68. min), Yuri (Balenziaga, 77. min); Vesga (Dani Garcia, 77. min), Zarraga, Muniain; Nico Williams (Guruzeta, 68. min), Berenguer (Villalibre, 77. min) eta Raul Garcia.
Golak: 0-1, 35. min: Nico Williams. 0-2, 41. min: Berenguer. 0-3, 59. min: Zarraga. 0-4, 65. min: Berenguer. 1-4, 67. min: Soberon. 1-5, 73. min: Correia, bere atean. 1-6, 89. min: Muniain.
Epailea: Javier Alberola Rojas. Txartel horia atera die Eldenseko Pajarero eta Fran Carnicer jokalariei.
Zure interesekoa izan daiteke
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.
Lerga: "Ligako etenaldia burua lasaitzeko baliatuko dugu"
Datozen bi asteko geldialdiaren ostean, Athleticek indarberrituta eman nahi dio jarraipena F Moeve Ligari. Javi Lerga entrenatzaileak azken partidetan izandako emaitzen balorazioa egin du.
Valverde: "Gure lehentasuna Vallecas da, Anoeta iritsiko da"
Athleticeko entrenatzaileak Rayo Vallecanoren aurka EA Sports Ligako 26. jardunaldian jokatuko duten partidari buruz hitz egin du (adierazpenak gaztelaniaz).
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.