Athleticeko bazkide konpromisarioek 135,8 milioi euroko aurrekontua onartu dute 2022-2023 denboraldirako
Athleticek 135,8 milioi euroko aurrekontua izango du 2022-2023 denboraldirako, asteazken honetan (urriak 26) bazkide konpromisarioek onartu egin baitituzte klubeko zuzendaritzak aurkeztu dituen kontuak Euskalduna Jauregian egin den Ohiko Batzar Nagusian.
Denboraldi honetarako 135,8 milioi euroko aurrekontua aurkeztu du klubeko zuzendaritzak, 5,9 milioiko defizita aurreikusita, eta onatua izan da 471 aldeko botorekin (% 66,4). Kontrako botoak 135 (% 19) izan dira, 18 konpromisariok zuriz bozkatu dute, eta 80 abstenitu egin dira.
Lehenago, iragan denboraldiko (2021-2022) kontuak, 10,6 milioi euroko galerak izan dituztenak, onartu dituzte konpromisarioek, aldeko 524 botorekin (% 76,3); kontrako botoak 179 (% 17) izan dira, zuriz 18 konpromisariok bozkatu dute, eta 23 abstenitu egin dira.
Bestalde, Aitor Elizegi presidente izan zuen zuzendaritzak ekainaren 24ko hauteskundeetara arte egin zuen kudeaketa ere bozkatu da Ohiko Batzar Nagusian; honek ere babesa jaso du, aldeko 441 botorekin (62,7%). Aurkako botoak 179 (% 25,46) izan dira, zuriak 21, eta 62 abstenitu egin dira.
Batzar honetan Euskalduna Jauregira gerturatu diren bazkide konpromisarioek lehenengoz bozkatu dute telekomando elektroniko bidez; gainera, estreinakoz, boto telematikoa eman ahal izan dute.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.