Lidertza defendatzeko asmoz zelairatuko da gaur Athletic Butarquen
Athletic sailkapeneko lehen postua defendatzen saiatuko da gaur Leganesen aurka. Butarquen jokatuko den lehia Ligako seigarren jardunaldiari dagokio eta 19:00etatik aurrera hasiko da martxan.
Talde bilbotarrak lan zaila izango du, puntu beharrean dagoen aurkaria izango baitu aurrez aurre; alabaina, indarberrituta helduko dira madrildarrak, Valentziaren aurka Mestallan puntu bat lortu eta gero.
Dena den, Gaizka Garitanoren taldea izan zen joan zen denboraldian Leganesen etxean irabaztea erdietsi zuen talde bakanetakoa (0-1).
Derioko entrenatzaileak sendotasun handia eman die atzealdean zuri-gorriei, eta soilik Jaime Mata (Getafe) izan da gai Unai Simonen atea zulatzeko. Hartara, Athleticek ez du golik jaso azken hiru neurketetan.
Hori bai, bilbotarrek San Mamesen azaldu dute orain arteko indarrik handiena, etxetik kanpo bi berdinketa bakarrik lortu baitituzte, Getaferen eta Mallorcaren kontra.
Itxura guztien arabera, Pellegrinok Mestallan agertu zuen hamaikako bera errepikatuko du. Garitanok, ostera, aldaketak egin ditzake azken neurketan plazaratutako jokalarietan. Izan ere, Iñaki Williams eta Iker Muniainek atseden har dezakete, oso nekatuta amaitu baitzuten Alavesen aurkako derbian (2-0).
Athleticeko entrenatzaileak 19 jokalariko deialdia eman du, eta kanpoan utzi ditu Unai Lopez eta Aritz Aduriz, azken hori gainkarga bat dela-eta. Deialdian sartu direnak, berriz, Kodro, Cordoba eta Balenziaga izan dira.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.