Lekuek taldekideekin entrenatu du eta Kodrok Bosnia-Herzegovinaren deia jaso du
Iñigo Lekue Athleticeko jokalariak gainerako taldekideekin batera jardun du astelehen honetan, Lezaman egin duten entrenamenduan.
Hegaleko bilbotarrak normaltasunez bete du egin beharreko lana, eta, horrenbestez, zelaietara itzultzeko gertu egon daiteke laster, orain arteko denboraldi guztia lesionatuta eman ostean.
Lekue behin sendatuta, Aritz Aduriz eta Ander Capa dira talde zuri-gorriak dituen lesionatu bakarrak. Aurrelari gipuzkoarra oraindik aste batzuk egon beharko da zelaietatik kanpo, urtarrilaren 10ean jasan zuen belauneko bihurritua dela-eta. Capak, berriz, joan zen ostegunean hartu zuen min ezker hankako erdi-mintzezko muskuluan, eta, ondorioz, ezin izan zuen jokatu Valentziaren aurkako norgehiagokan. Litekeena da ostiral honetan Espanyolen kontra ere jokatzeko moduan ez izatea (21:00).
Kodro, Bosnia-Herzegovinarekin
Bestalde, talde zuri-gorriak aurtengo neguko merkatuan fitxatu zuen Kenan Kodro aurrelariak Bosnia-Herzegovinako selekzioaren deia jaso du, Armeniaren (martxoaren 23an) eta Greziaren (martxoaren 26n) aurka aritzeko. Norgehiagoka horiek 2020ko Eurokoparako sailkatzeko balio dute. Aipatu Eurokopa 2020ko ekainaren 12an hasiko da eta uztailaren 12ra arte iraungo du.
Bosniako selekzioa Robert Prosinecki entrenatzen du, eta sailkapen faseko J multzoan dago kokatuta Italia, Armenia, Grezia, Finlandia eta Liechtensteinekin batera.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.