Distantziak murrizteko 'aukera ona' ikusten du Valverdek
Ernesto Valverdek distantziak murrizteko "aukera ona" ikusten du Athleticek Espanyolen aurka Cornellá-El Praten jokatuko duen partidan. Zuri-gorrik Vila-real eta Sevilla dituzte begiz jota, laugarrena eta bosgarrena Ligako sailkapenean, eta bi talde horiek Bartzelonaren eta Real Madrilen aurka jokatu behar dute jardunaldi honetan, hurrenez hurren.
"Aurretik doazen bi taldeei puntuak kentzea oinarrizkoa litzateke, eta sekulako bultzada emango liguke", esan du Valverdek partidaren atariko prentsaurrekoan. Espanyolen aurkako partida Valentziaren aurka Europa Ligako final-laurdenetara pasatzeko txartela lortu eta 72 ordu baino gutxiago pasa ostean jokatuko dute bilbotarrek.
Valverde ez dago batere gustura Cornelláko norgehiagokaren ordutegiarekin (igandean, 12:00etan). Bere ustez, Ligako“egutegiak kalte egiten die” Europan jokatzen duten taldeei.
20 jokalariko zerrenda
Entrenatzailea zuri-gorriak honako jokalariak deitu ditu RCD Espanyolen aurka jokatzeko: Iraizoz, Bóveda, Elustondo, Laporte, Eraso, San José, Beñat, Iturraspe, De Marcos, Iago Herrerín, Susaeta, X.Etxeita, Mikel Rico, Gurpegi, Aduriz, Viguera, Raúl García, Balenziaga, Sabin Merino, I.Lekue.
erino, I.Lekue.Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.