Athletic, arazorik gabe hurrengo kanporaketara (0-0)
Athletic Europa Ligako hurrengo fasean egongo da, taldekako fasean txartela eskuratzeko play-offetan, hain zuzen. Berdinketa lortu du Bakun (0-0). Ostiralean, 13:00ean, jakin du aurkaria, zozketan.
Espekulaziorik ez du nahi izan Athleticek, eta hasieratik golaren bila zelairatu da. Denboraldi-aurreko prestaketa lanak jarraitu nahiean edo, joaneko partidaren markagailua ahaztu eta erasora jokatu dute zuri-gorriek.
Adurizek egin du lehenengoa, 5. minutuan, baina atezainaren eskuetara joan da zuzenean. Gero, ezkerretik saiatu da Aketxe, kontraerasoan. 13.ean gola sartu du Inter Bakuk, baina Khizanishvili jokoz kanpo zegoen, eta epaileak baliogabetu du.
Aukerarik argiena Erasok izan du, 19. minutuan. Jokaldi polita egin du Athleticek, eta Susaetaren pase ona zutoinera bidali du iruindarrak. Baloiaren kontrola eta aukerak izan dituzte zuri-gorriek.
26. minutuan, baina, gutxigatik ez du sartu Inter Bakuk, Seyidoven falta jaurtiketa batean. Ura edateko gelditu dute partida gero, UEFAren arauek hala aginduta, eta jokoa ez da lehenengo zati osoan itzuli.
Sakontasun gehiago behar zuen Athleticek aukerak sortzeko, baina jokoa gehiegi moteldu da azkenean. Atzeko hutsak baliatuta, Inter Bakuk kontraerasoekin bukatu du lehenengo zatia.
Istoria laburragoa izan du bigarren zatiak. Adurizen abagune bat izan da onena. Gutxigatik ez da sartu baselina, Aketxeren pase on baten ostean. Ura edateko geldiunea egin dute, baina ez da nahikoa izan erritmo apur bat ere berreskuratzeko.
Athleticek bi gol zituen alde, eta Inter Baku ez da gai izan zuri-gorriak arazoetan sartzeko. Bigarren zatiko aipagarriena, Sabin Merinoren debuta partida ofizialean. 25 minutu jokatu ditu.
FITXA TEKNIKOA
Athletic: Iraizoz; De Marcos, Etxeita, Laporte, Balenziaga; Iturraspe, Beñat (Elustondo, 90. min); Susaeta (Ibai, 86. min), Eraso (Sabin, 67. min), Aketxe; eta Aduriz.
Inter Baku: Agayev; Denis Silva, Khizanishvili, Kasradze; Qirtimov, Kvekveskiri, Seyidov, Bayramov; Hajiyev (Abdullayev, 76. min), Dhiego Martins (Fomenlo, 77. min); eta Aliyev.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.