Williams eta Sola, Kordobaren aurkako deialdiko nobedadeak
Athleticek Kordoba hartuko du larunbat honetan San Mamesen, BBVA Ligako 14. jardunaldiko partidan. Zuri-gorriek sailkapenean gora jarraitu nahi dute eta Kordobak, bestalde, denboraldiko lehen garaipena lortzea izango du helburu.
Azken hilabete eta erdian 18 puntutik 14 erdietsi ditu Athleticek. Ondorioz, jaitsiera postuetatik atera eta bederatzigarrenean kokatu da, Europatik hiru puntura.
Collaokoarekin alderatuta, ezberdina izango da Ernesto Valverdek zelairatuko duen hamaikakoa, baina Aymeric Laporte eta Mikel Rico hasieratik arituko direla ematen du. Mikel Balenziaga zigortuta dago, eta bere lekua Jon Aurtenetxek hartuko du.
Aduriz, baja eta Williams eta Sola deialdian sartu dira
Aritz Adurizek ondoeza dauka ezker hankako bizeps femoralean, eta entrenatzaileak atsedena eman dio, asteazkeneko partidaren garrantzia kontutan hartuta (BATEren aurka).
Deialdiko nobedade nagusiak Iñaki Williams eta Kike Sola dira. Ghanako jatorria duen jokalari gaztea estreinakoz sartu da lehen taldeko zerrendan, partida ofizial batean.
Honakoa da: Iraizoz, Aurtenetxe, Laporte, San Jose, Beñat, Iturraspe, Kike Sola, De Marcos, Ibai, Iago Herrerin, Susaeta, Iraola, Mikel Rico, Gurpegi, Muniain, Viguera, Unai Lopez eta Williams (30. zenbakia).
Ustezko hamaikakoak:
Athletic Club: Iraizoz; De Marcos, San Jose, Laporte, Aurtenetxe; Iturraspe, Rico, Beñat; Unai Lopez, Viguera, Muniain.
Kordoba: Juan Carlos; Campabadal, Iñigo Lopez, Pantic, Crespo; Deivid, Abel; Borja García, Lopez Silva, Fidel; Ghilas.
Epailea: Jaime Latre
Futbol-zelaia: San Mames
Ordua: 18:00etan
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.