Adurizen hirukoa eta Athleticen garaipen erraza (4-0)
Aritz Aduriz izan zen garaipenaren protagonista handia. Athleticek Granadari irabazi zion San Mamesen (4-0). Hirukoa sartuta, taldeko liderra izan zen zuri-gorriak nagusi izan ziren neurketan. Athleticek 50 puntu ditu, eta laugarren postua sendotu du.
Athletic jaun eta jabe izan zen, hasieratik. 6. minutuan, lehenengoa sartu zuen Adurizek, buruz, Iraolaren erdiraketa bikainaren ostean. Athleticek agintzen jarraitu zuen, eta 18.ean bigarrena heldu zen, denboraldiko gol handia: Adurizek gogor astindu zuen baloia eskuinaldetik, eta baloia Robertoren atearen txokotik sartu zen.
Partida erabakita, Granada ezinean zebilen. Athletic oso nagusi izan zen lehenengo zatian, baloiarekin eta abaguneak sortzen. Etxeko taldea gustora aritu zen zelaian, eta aurkaria ia ez zen agertu.
Bigarren zatian, Granada berpizten saiatu zen, baina laster berreskuratu zuen gidaritza Athleticek. Mainzek txartel gorria ikusi zuen Adurizi egindako falta baten ostean, area barruan, eta aurrelariak penaltia sartu zuen. Horrela, hirukoa lortzeaz gain, Valverdek baino gol gehiago sartu ditu Athleticekin: 52. Denboraldi honetako pitxitxia bilakatu da, Ibai Gomezen aurretik.
Gurpegi gol festara batu zen, eta berea egin zuen 80. minutuan. Partidak berriro ekarri du joko ona San Mamesera.
FITXA TEKNIKOA
Athletic: Iraizoz; Iraola, Gurpegi, Laporte, Balenziaga (Saborit, min.83); Iturraspe, Mikel Rico; Susaeta, Ander Herrera (De Marcos, min.79) Muniain eta Aduriz (Guillermo, min. 84).
Granada: Roberto; Nyom (Riki, min.51) Coeff, Mainz, Angulo; Iturra, Fatau (Foulquier, min. 25), Recio; Brahimi, El Arabi eta Pereira.
Golak: 1-0, min.7, Aduriz; 2-0, min.18, Aduriz; 3-0, min.74, Aduriz; 4-0, min.79, Gurpegi.
Zure interesekoa izan daiteke
Athleticek jokatuko duen Emakumezkoen Superkopa Castellon izango da, urtarrilaren 20tik 24ra bitartean
Javi Lergaren taldeak Bartzelonaren aurka jokatuko du finalerdietan, urtarrilaren 21ean, 19:00etan; finala hilaren 24rako aurreikusita dago, eta beste finalerdia berriz, 20an jokatuko dute Real Madrilek eta Atletico Madrilek.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Athleticek talentu gazteari esker lortu du garaipena
Athleticek 0-2 irabazi dio Madrid CFFri, Liga F Moeveko 14. jardunaldian, Fernando Torres zelaian jokatutako neurketan. Elene Gurtubayk ireki du markagailua, eta Daniela Agotek sartu du bigarren gola partidako emaitza itxiz. Garaipen honi esker, Athletic sailkapenaren erdialdetik gora kokatu da.
Ernesto Valverde: "Celtak beti sortzen dizkigu arazoak; atera iristea eta zehatzagoak izatea falta zaigu"
Ernesto Valverdek prentsaurrekoa eman du igande honetan jokatuko duen Celtaren aurkako partidari begira. Adierazi duenez, taldea ondo dago, baina partida zaila izango da eta, Laporteren lesioa dela eta, Iker Monrealek jokatuko du. (Bideoa gazteleraz)
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.