Alavesek estropezu egin du Racingen aurka (2-1)
Alavesek 2-1 galdu du Racing Santanderren aurka Sardineron, Koskiren golari esker markagailuan aurrea hartu duen arren. Zabirik, bikoizketa batekin, buelta eman dio partidari. Aitor Mañasek jasandako burmuineko zirrara ere izan da neurketan, eta esku-ohean utzi behar izan du zelaia.
Alavesek porrota jaso du Racingen aurka (2-1) Sardineroko zelaian jokatutako partidan. Talde arabarrak aurrea hartu du markagailuan Koskiren golari esker, baina Racingek partida berdintzea lortu du atsedenaldira iritsi aurretik, Yassir Zabiriren bitartez. Aldageletatik igaro ostean, Zabirik gola sartu, eta markagailua irauli du, hiru puntuak eskuratuta.
Racingek intentsitate eta presio handia izan du neurketako lehen minutuetan. Etxeko taldeak lehen abaguneak sortu ditu, batez ere Iñigo Vicenteren bitartez, eta babazorroek minutu batzuk behar izan dituzte berdegunean finkatzeko. Hala ere, Alavesek tarteak aurkitu ditu ezker hegaletik, Rebbach protagonista zela, eta norgehiagoka orekatzen hasi da.
Quique Sanchez Floresen taldea ere baldintzatu dute Tenaglia eta Pablo Ibañezen txartel horiek, lehen minutuetan jasotakoak. 11. minutuan, Alavesek aukera ona izan du Koskiren burukada baten ostean, baina Angel Perezen erremateak ez du balio izan jokoz kanpo zegoelako. Racingek geldikako mehatxuak egiten jarraitu du, baina Siverak erantzun ona eman dio Pablo Garciaren erremateari.
Alaves hobeto ari zenean, Marianok aukera ona izan du bigarren zutoinera erdiratu ostean, baina errematea kanpora joan zaio. Handik gutxira, 18. minutuan, Koskik area barruan solte geratu den baloi bat baliatu du ate hutsera sartu, eta 0-1ekoa jartzeko.
Racingek erreakzionatu egin du eta arriskua sortzen hasi da, batez ere Iñigo Vicentek defentsaren bizkarrean emandako paseen bidez. 38. minutuan, Vicentek Yassir Zabir iaurkitu du, eta honek berdinketa lortu du ezker hankarekin egindako jaurtiketa batekin (1-1).
Aldageletatik igaro ostean, Quique Sanchez Floresek bi aldaketa egin ditu. Ibañezek eta Tenagliak, biak txartel horiarekin, lekua utzi dute berdegunean, eta Protesoni eta Valentini zelairatu dira.
Racingek, bere aldetik, intentsitate handiagoarekin zelairatu du eta bigarren gola egin du 53. minutuan. Vicentek Salinasentzat baloi bat filtratu du, areara erdiratu, eta Zabirik binakoa egin du (2-1).
Arabako taldea erreakzionatzen saiatu da, baina ez du golaren bidea aurkitu.
86. minutuan, Andre Almeida kanporatua izan da, aurkari bati egindako sarrera baten ondorioz, eta Alavesek jokalari bat gehiagorekin ekin die azken minutuei. Hala ere, talde arabarrak ezin izan du berdinketa eskuratu.
Aitor Mañas jokalaria, bestalde, 86. minutuan sartu da berdegunera, Angel Perezen ordez, eta kolpe handia hartu du buruan, Jorge Salinasekin talka egin ondoren. Jokalariak esku-ohean utzi behar izan du zelaia.
Zure interesekoa izan daiteke
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.