Alavesek handia egin du Balaidosen (3-4)
3-0 galtzen joan ostean, Quique Sanchez Floresen taldeak markagailua irauli, eta 3 puntu garrantzitsu bereganatu ditu jaitsiera postuetatik aldentzeko.
Deportivo Alavesek sekulako garaipena lortu du gaur Celtaren aurka Balaidosen (3-4), eta 3 puntu erabakigarri bildu ditu datorren denboraldian lehen mailan jarraitu ahal izateko.
Lehen zatian, Claudio Giraldezen taldea babazorroak baino askoz gehiago izan da, baina bigarrenean, Quique Sanchez Floresek asmatu egin du aldaketekin, Alaves suspertu egin da, eta markagailua irauli du, 4 gol bata bestearen atzetik sartuta.
Lehen minutuetan ondo aritu bada ere, Alavesek behera egin du Jutglak 20. minutuan gola sartu ondoren. Defentsan huts egin dute, eta Celtako aurrelariak ez du barkatu 1-0ekoa egiteko.
Hortik aurrera, etxeko taldeak aurrerapausoa eman, eta bigarrena sartu du, kontraeraso azkar batean. Hugo Alvarezek egin du gola, Jutglaren pasea baliatuta.
Aurrelari katalana izan da onena lehen zatian, eta 37. minutuan gol ikusgarria sartu du, gainera, baloia zelai erdian lapurtu eta bakarkako jokaldia egin ostean. Gol horrek min handia egin dio Quique Sanchez Floresen taldeari, eta agerian utzi du Alaveseko defentsaren ahulezia.
Talde babazorroa hondoa jota zegoenean, atsedenaldiaren atarian, Toni Martinezek 3-1ekoa egin du, eta itxaropena piztu du taldean, partida maldan gora izan arren.
Bigarren zatian erabat aldatu da norgehiagoka. Quique Sanchez Floresek lau aldaketa egin ditu aldi berean: Aleña, Pablo Ibañez, Lucas Boye eta Jon Pacheco kendu ditu zelaitik, eta Denis Suarez, Jon Guridi, Diabate eta Rebbach sartu dira haien ordez. Eta Alaves suspertu egin da.
Lehen zatian ez bezala, presioa goian egin du, hainbat baloi lapurtu dizkio Celtari, eta arriskua sortzeko gai izan da. Horrela, bigarren zatia hasi eta gutxira, 3-2koa egin du Angel Perezek, Celtak defentsan egindako hutsa ondo aprobetxatuta, eta Alaves bete-betean sartu da partidan.
Berdinketaren gola, 3-3koa, 73. minutuan iritsi da. Toni Martinezek egin du, area kanpotik jaurtiketa bortitza eginda. Eta 4 minutu geroago gauzatu du miraria Rebbachek, 3-4koa eginda.
Azken minutuetan, Celtak gora jo du eta babazorroak atzean sartu dira. Hala, luzapenean, Siverak geldiketa erabakigarria egin du emaitzari eusteko.
Alavesek sufritu egin du, baina sekulako garaipena lortu du, 3-0 galtzen joan eta gero, 3-4 irabazteko.
Zure interesekoa izan daiteke
Quique Sánchez Flores: "Imajinatzen dugun partida jokatu behar dugu"
Celtaren aurkako partidaren atarian emandako prentsaurrekoan, Gloriosoko entrenatzaileak esan du ilusioz gainezka dagoela taldearekin, eta orain arte bezala lan eginez gero helburua lortzen joango dela. "Garrantzitsua da imajinatzen dugun partida jokatzea" adierazi du Sanchez Floresek.
Jonny Otto: “Ahalik eta lan gehien egiteko prest zelairatuko gara, atea hutsean uzteko"
Jonny Otto Alaveseko jokalaria Galiziara itzuliko da asteburu honetan, Celtaren aurka jokatzeko. Prentsaurrekoan adierazi du nola sentitzen den partidaren aurrean, eta taldeak nola ekingo dion denboraldiaren azken zatiari.
Vila-realek garaipenik gabe utzi du Alaves luzapenean (1-1)
Bisitari batek bere atean sartutako gol batek aurretik jarri ditu babazorroak, baina Pepek etxekoen festa zapuztu du luzapenean.
Elene Errasti Alaveseko jokalaria: "Espero dugu iazko bukaera hobetzea eta helburua betetzea"
Sei jardunaldiren faltan, Alaves da emakumezkoen bigarren mailako liderra. Horrela amaituz gero, elitera igotzea lortuko dute. Zazpi puntuko abantaila dute bigarren sailkatuarekiko, baina nahiago dute zuhur jokatu, iaz igoera gertu izan zutelako eta ihes egin zielako.
Quique Sanchez Flores: “Alavesek etxean lortu ditu puntu gehienak, jarraitzaileen animoekin. Horri eutsi behar diogu”
Alavesek bi puntura du jeitsiera, hortaz, oso garrantzitsua da arabarrentzat bihar garaipena lortzea. Gainera Quique Sanchez Flores estreinakoz arituko da etxean, zaleen aurrean.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.