Alavesek Compostela kanporatu du (0-1), eta Errege Kopako bigarren kanporaketan da
Alaves 2024-25 denboraldiko Errege Koparen bigarren kanporaketarako sailkatu da, lehen kanporaketan Compostela mendean hartuta, 0-1eko emaitzarekin, Vero Boquete-San Lazaro futbol zelaian, asteartean. Kike Compostelako atzelariak sartu du, nahi gabe, bere atean, Alaves bigarren txandarako sailkatzeko gola, hamabigarren minutuan. Hala, Luis Garcia Plazaren gizonak Kopako hurrengo kanporaketan izango duten aurkariaren zain dabiltza jada.
Testuinguru horretan, Alavesek arin hartu du aurrea kanporaketan. Compostelak sortu du norgehiagokako aurreneko arrisku jokaldia, gutxigatik kanpora irten den Hugo Matosen burukada batean, baina Alavesen erantzuna sendoa izan da. Hamaikagarren minutuan, debuta egin duen Egoitz Muñozek erdiraketa ona jarri du eskuinetik, baloia Villalibreri eman nahirik, eta, Gernikako aurrelariaren errematea oztopatzen saiatzen ari zela, Kike Compostelako atzelariak, nahi gabe, baloia bere atean sartu du. Atsedenaldira arte, Alavesek arazorik gabe izan du kontrolpean Galiziako taldea, eta, gainera, Stoichkovek, Guevararen pase bikaina jasota, oso gertu izan du 0-2koa. Bigarren gol hori, baina, ez da gauzatu.
Kontuan izanik Compostelak, bigarren zatian, aurrerapausoa eman duela, Alavesek, ziurrenik, eskertuko zuen bigarren gol bat sartu izatea. Egia esan, emaitza estu-estua zela kenduta, euskal taldeak ez du aparteko arazorik izan sailkatzeari eusteko. Are gehiago, neurketako azken jokaldian, Compostela berdinketaren bila ia jokalari guztiekin zebilela, Alavesek gol aukera paregabea sortu du 0-2koa egiteko, baina etxeko taldeak saihestu egin du. Horrela amaitu egin da kanporaketa.
Fitxa teknikoa
0 - Compostela: Iago Dominguez; Roque (Santi de Prado, 58. min), David Soto, Kike, Ocaña, Manu Rivas; Alvaro Casas (Selasi, 58. min), Diego (Samu, 73. min); Fer Cano (Carlos Cinta, 73. min), Hugo Matos (Landeira, 28. min) eta Manu Barreiro.
1 - Alaves: Owono; Mouriño, Egoitz, Pica, Diarra; Luka (Blanco, 78. min), Jordan, Guevara, Conechy (Rebbach, 66. min); Stoichkov (Carlos Martinez, 86. min) eta Villalibre (Toni Martinez, 66. min).
Gola: 0-1, 11. min: Kike, bere atean.
Epailea: Busquets Ferrer (Balearretako Batzordea). Compostelako Landeira eta Alaveseko Guevara, Mouriño eta Luka zigortu ditu, txartel horia aterata.
Gertakizunak: 7.000 bat zale, Vero Boquete-San Lazaron.
Zure interesekoa izan daiteke
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.