Alavesek 2-0 galdu du hamaika partida irabazi gabe zeramatzan Granadaren kontra
Alavesek 2-0 galdu du Granadaren aurka Nuevo Los Carmenes estadioan jokatutako EA Sports Ligako 31. jardunaldiko partida. Ondorioz, jaitsiera postuekiko abantaila handitzeko aukera alferrik galdu dute babazorroek.
Arabako taldeari azkar jarri zaio neurketa maldan gora. Zazpigarren minutuan, Lucas Boyeren jaurtiketak zutoina jo du, baloia solte geratu da area barruan, Granadako jokalariak berriz jaurti, Gorosabelek eskuarekin moztu eta epaileak etxeko taldearen aldeko penaltia adierazi du. Uzunik egin du jaurtiketa, eta Sivera atezaina gainditu du (1-0).
Gola jaso ostean, erasora jo du Alavesek. Hala ere, Gasteizko taldea ez da abagune argiak sortzeko gai izan. Granadak defentsako lan ona egin du; gainera, atsedenaldira iritsi aurretik, bigarren gola sartzeko gai izan da. Lucas Boyek jarri du 2-0koa markagailuan, 38. minutuan, Sergio Ruizen erdiraketa errematatu eta baloia ate barruan sartuta.
Lehen zatia amaitu orduko, Boye beste gol bat sartzetik gertu egon da, baina errematea kanpora joan zaio, gutxigatik.
Bigarren zatiaren hasieran, Alaves izan da baloiaren jabe. Dena den, Luis Garcia Plazak zuzentzen duen taldeari asko kostatu zaio gol aukerak sortzea. Norgehiagokako 61. minutuan izan du Arabako taldeak desabantaila murrizteko aukera, baina Batallak (Granadako atezaina) saihestu du gola, bi geldiketa bikain eginda.
Azken txanpan ere, ezinean ibili da Alaves. Granadak ondo eutsi die kanpo taldearen eraso saiakerei, eta Andaluziako taldeak poltsikoratu ditu hiru puntuak (2-0).
Fitxa teknikoa:
2 - Granada: Batalla; Bruno Mendez, Rubio, Ignasi Miquel, Carlos Neva; Sergio Ruiz, Gumbau (Hongla, 83. min), Jozwiak (Gonzalo Villar, 64. min), Pellistri; Uzuni (Callejon, 75. min) eta Lucas Boye (Matias Arezo, 83. min).
0 - Alaves: Sivera; Gorosabel, Tenaglia, Rafa Marín, Duarte; Blanco (Benavidez, 64. min), Guevara, Carlos Vicente (Sola, 46. min), Luis Rioja (Rebbach, 46. min); Panichelli (Giuliano, 70. min) eta Samu (Kike Garcia, 64. min).
Golak: 1-0, (9. min) Uzuni, penaltiz. 2-0, (38. min) Lucas Boye.
Epailea: Garcia Verdura. Txartel horia atera die Uzuni (45. min), Gumbau (47.min) eta Rubio (60. min) Granadako jokalariei, baita Gorosabel (20. min) eta Tenaglia (45. min) Alaveseko futolariei ere.
Zure interesekoa izan daiteke
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.