Alavesek porrot egin du Las Palmasen aurka, Mendizorrotzan 0-1 galduta
Alavesek 0 eta 1 galdu du Las Palmasen aurka larunbat honetan, abenduaren 9an, Mendizorrotzan jokatutako EA Sports Ligako 16. jardunaldiko partida. Ondorioz, Arabako taldeak 16 punturekin jarraitzen du.
Erasokor zelairatu da Alaves, eta lehen abaguneak Arabako taldearenak izan dira; hala ere, Rebbachek bigarren minutuan egindako jaurtiketa kanpora joan da. Handik gutxira, seigarren minutuan, Samu Omorodionek alferrik galdu du gola sartzeko aukera argia.
Las Palmasek sufritu egin du neurketaren hasieran, baina izan duen lehen abagunean gola sartu du: Kirianek jarri du 1-0ekoa markagailuan. Area ertzetik egindako jaurtiketak Sivera atezaina gainditu du.
Gola jasota, etxeko taldeak erasora jo du. Alavesek lehia berdintzeko aukerak izan ditu lehen zatiaren azken txanpan, 42. minutuan argiena, baina Valles atezainak Omorodionen gola saihestu du.
Bigarren zatiari ere ondo ekin dio Alavesek. Hala, 52. minutuan, Samu Omorodionek gola sartu du; epaileak, ordea, baliogabetu egin du, aurrelaria jokoz kanpo zegoelako pasea hartu duenean.
Ekinean jarraitu du Arabako taldeak, eta beste gol bat sartu du, baina epaileak, berriro, baliogabetu du Omorodionen gola.
Nagusi izan da Alaves amaierako minutuetan. Kike Garciak abagune bikoitza izan du 82. minutuan; aurrelariaren lehen errematea Vallesek desbideratu du, eta bigarrena atepetik atera du Moleirok.
Gero, 88.ean, Araujok aldendu du Kike Garciak orpoz egindako errematea. Gainera, luzapenean, Alex Solaren jaurtiketa zutoinera joan da. Amaierara arte segitu du borrokan Alavesek, baina, azkenean, punturik gabe geratu da (0-1).
Fitxa teknikoa:
0 - Alaves: Sivera; Gorosabel, Abqar (Tenaglia, 86. min), Rafa Marín, Javi Lopez; Guridi, Antonio Blanco (Kike, 77. min), Hagi (Benavidez, 63. min), Rebbach (Sola, 63. min), Luis Rioja (Ropero, 86. min); eta Samu.
1 - Las Palmas: Alvaro Valles; Julian Araujo, Saul Coco, Mika Marmol, Sergi Cardona; Javi Muñoz, Kirian, Loiodice (Perrone, 62. min); Munir (Herrera, 75. min), Moleiro (Ramirez, 87. min) eta Marc Cardona (Marvin, 62. min).
Gola: 0-1, 31. min: Kirian.
Epailea: Munuera Montero. Txartel horia atera die Abqar (48. min), Garcia Plaza (90. min), Gorosabel (92. min) eta Rafa Marin (97. min) etxeko taldeko jokalariei, eta Muñoz (33. min), Marvin (97. min) eta Herrera (98. min) bisitariei.
Zure interesekoa izan daiteke
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.
Coudet: "Merezi duen seriotasuna eman behar zaio Kopako partidari"
Alavesek astearte honetan jokatuko du Portugaleteren aurkako kanporaketa. "Zelaia (La Florida) nahiko ondo dago", eskertu du entrenatzaile babazorroak, eta Portugaletek "talde zaila, joko nahiko zuzenakin", osatzen duela ohartarazi du.
Alavesek porrot egin du Bartzelonan, irabazten hasi bada ere (3-1)
Pablo Ibañezek lehen minutua bete baino lehen sartu du gola Alavesentzat. Alabaina, Hansi Flicken taldeak emaitza irauli du, Lamine Yamalek eta Dani Olmok sartutako golei esker.
Chacho Coudet: ''Buru aldetik azkarrak izan behar dugu''
Celtaren aurkako kolpearen ostean, taldea ondo dagoela adierazi du Coudetek, eta bederatzi urte joan eta gero Camp Noun irabazteko gogotsu dira babazorroak. Erronka zaila da eta argentinarraren ustetan, zerbait positiboa poltsikoratzeko buru aldetik azkarrak izan beharko dutela aitortu du.