Alavesek Murtzia garaitu du, eta aurrera jarraituko du Kopan (0-10)
Alavesek Errege Kopako lehen lehia irabazi du ostegun honetan, Murtzia 0-10 menderatuta. Karrikaburu (3 gol), Abde (2), Alkain (2), Hagi (2) eta Duarte (1) izan dira Gasteizko taldeari txapelketako bigarren kanporaketarako txartela eman dioten jokalariak. Datorren asteartean ezagutuko dute hurrengo aurkaria.
Babazorroek ez dute denbora asko behar izan markagailuan aurrea hartzeko; izan ere, 6. minutuan Abdek buruz errematatu du Tenagliaren erdiraketa ona, partidako lehen gola egiteko (0-1). Etxekoek intentsitate handiz hasi dute partida, baina laster defentsara bildu behar izan dute eta kontraerasoetan min egiten saiatu dira.
12 minutuan, Duartek atea aurrean asmatu du. Gasteizko taldeak jokaldi ona egin du, eta Abdek kapitainari utzi dio baloia; area kanpotik, baloia kokatu besterik ez du egin behar izan gola sartzeko (0-2).
Sola ere ate bila ibili da, baina etxeko atezainak ondo jarri ditu eskuak Gasteizko taldearen hirugarrena saihesteko.
Koltxoi horrekin, Alavesek jokoaren erritmoa jaitsi du, eta Murtziak babazorroen atera hurbiltzeko aprobetxatu du. Hala ere, aukerarik argienak bisitarienak izaten jarraitu dute.
Abdek bere bigarrena sartu du 37. minutuan, Murtziaren akats baten ostean. Aurrelariak ondo jarri du baloia bigarren zutoinera, atezainak gelditzeko aukerarik gabe (0-3).
Bigarren zatiak lehenengoaren gidoi berari jarraitu dio, Alavesen beste gol batekin. Alkainek izugarrizko gola sartu du (0-4).
Ordubete igarota, Alkainek ere bere bigarren gola egin du, defentsak ezin izan baitu ezer egin hori eragozteko (0-5). Ia jarraian, Murtziako atezainak Karrikabururen jaurtiketa gogorra gelditu du, baina ezin izan du ezer egin Hagi zelairatu berriaren jaurtiketaren aurrean, atea hutsik zegoelarik (0-6).
Partidan zehar asko tematu ondoren, Karrikaburuk lortu du azkenean horrenbeste bilatutako gola; zazpigarrena Alavesentzat (0-7). Eta, ia jarraian, beste bat sartu du (0-8).
Azken minutuetan, Hagik eta Karrikaburuk 0-10ekoa jarri dute markagailuan.
Zure interesekoa izan daiteke
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.