Alaves garaipenaren bidera bueltatu da Lugon 1-2 irabazita
Alaves garaipenaren bidera bueltatu da larunbat honetan Lugori 1-2 irabazita. Aurreko bi partidak berdindu egin zituen. Arabako taldeak txarto ekin dio lehiari eta Christian Ramosek Lugo aurreratu du. Bigarren zatian, aldiz, Taichi Hararen eta Nahuel Tenagliaren golei esker partidari buelta ematea lortu du Alavesek 4 minututan.
Norgehiagokaren hasieran etxekoak izan dira nagusi. Galiziarrek erritmo altua sartu diote partidari hastapenetik eta hiru abagune argi izan dituzte lehenengo 10 minuteutan aurretik jartzeko. 16. minutuan, aldiz, Christian Ramosek ez du barkatu; Cuellarren erdiraketa baliatu, eta buruz errematatu du Lugo markagailuan aurretik jartzeko (1-0).
Golaren ostean Alavesek partidaren kontrola hartu arte. Luis García Plazak zuzentzen duen taldeak aukera garbiak sortu ditu, baina eraginkortasun falta izan du eta norgehiagoka 1 eta 0 iritsi da atsedenaldira.
Aldageletatik bueltan, babazorroen nagusitasunak jarraitu du eta aukera garbiak izan dituzte arabarrek partida orekatzeko. Guridik eta Tenagliak zutoinarekin topo egin dute. Azkenean, saria 65. minutuan iritsi da: Taichi Hara zelairatu berriak partida berdindu du area barnetik egindako jaurtiketaren ostean (1-1).
Gasteizko taldea ez da konformatu eta bere momentu ona baliatuta Nahuel Tenagliak bigarrena sartu du 69. minutuan; bigarren zutoinean talde galiziarreko defentsa batek desbideratutako erdiraketa errematatuta (1-2).
Azken minutuetan Mendizorrotzako taldeak ez du gehiegi sufritu, baina partidako azken jokaldian Sivera atezainak Alaves salbatu behar izan du. Luis Riojak txartel gorria ikusi du partida amaieran burukada baten bidez aurkaria lurerra botatzeagatik. Hiru puntu hauekin, Alaves sailkapeneko lehengo postuetan dago; 11 puntu bildu baititu 15 posibleetatik.
Fitxa teknikoa
1 - Lugo: Whalley; Loureiro (Calavera, 80. min), Pirri, Neyder Lozano, Zé Ricardo; Cuéllar, Xavi Torres (Juanpe Jiménez, 68. min), Clavería (El Hacen. 55.min), Señé (Idrissa, 80.min); Barreiro (Sebas Moyano, 55.min) y Chris Ramos.
2 - Alaves: Sivera; Tenaglia, Abqar, Sedlar, Duarte; Salva Sevilla (Toni Moya, 80.min), Benavidez, Guridi (Balboa, 92.min); Alkain (Rioja, 60.min), Miguel de la Fuente (Taichi, 60.min) y Rebbach (Rober González, 60.min).
Golak: 1-0, 16.min: Chris Ramos. 1-1, 65.min: Taichi. 1-2, 68.min: Tenaglia.
Epailea: Galech Apezteguía. Txartel gorria Luis Riojari (Alaves) eta (El Haceni). Txartel horiak: Bruno Pirri (25. min) Lugo; eta Sedlar (48.min), Sivera (72.min), Salva Sevilla (73.min), Guridi (73.min), Rober (85.min) y Duarte (91.min), Alaves.
Zure interesekoa izan daiteke
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.