Ingalaterrak Nigeria kanporatu du, penaltietan, eta Munduko Txapelketako final-laurdenetarako sailkatu da
Ingalaterrak Nigeria kanporatu du, astelehenean, Australia eta Zeelanda Berrian jokatzen ari diren 2023ko Munduko futbol Txapelketako final-zortzirenetan, eta final-laurdenetara sailkatu da; kanporaketa horretan, Kolonbia edo Jamaika izango du aurkari Ingalaterrak, larunbatean, hilaren 12an. Sarina Wiegmanek entrenatzen duen taldeak penalti jaurtiketetan eskuratu du sailkatzea, partidako 90 minutuak eta luzapena 0-0 amaitu baitira, Ingalaterra 85. minututik hamar jokalarirekin aritu bada ere. Penaltietan, baina, Ingalaterrako selekzioa 4-2 gailendu da.
Ingalaterra (Europako egungo txapelduna) faborito zen final laurdenetara pasatzeko; multzo fasean, Sarina Wiegmanen jokalariek erakutsi zuten sasoi onean zeudela, eta bikain sailkatu ziren. Nigeria ere ondo aritu zen aurreneko fasean, eta meritu handiz egin zuen aurrera. Ez zirudien Ingalaterrak aurkari samurrik izango zuenik Brisbaneko neurketan.
Egia esan, jokoak arrazoia eman die hori uste zutenei. Ez da argitasun handirik izan 90 minutuetan, eta bi selekzioen maila oso parekoa izan da. Gainera, 85. minutuan, Lauren James Ingalaterrako jokalaria kanporatu dute. Jamesek (bere taldeko golegilerik onena lehen fasean) aurkari bat zapaldu du, baloirik gabeko jokaldi batean, eta epaileak txartel gorria atera dio. Hala, luzapeneko 30 minutuetan Nigeriak jokalari bat gehiago izango zuen, eta hori erabakigarria izan zitekeen.
Luzapenak, baina, ez du ezer konpondu. Nigeriak presio handia egin du, eta zenbait alditan nagusi izan da golaren bila. Azken minutuetan, Oshoalak, area barruan, erremate ona egin du ezkerrez, baina baloia erdira irten zaio, eta ezin izan du sareetara bidali. Handik gutxira, Englandek, Nigeriako areara erdiratutako baloi batean, modu arriskutsuan orraztu du, eta Ingalaterrak gertu izan du garaipena. Baloia ez da barrura joan, eta penaltiek zehaztu dute irabazlea, azkenean.
Penalti jaurtiketetan, Ingalaterraren nagusitasuna argia izan da. Bi selekzioek huts egin dute lehenengo jaurtiketa, baina bigarrenean Ingalaterrak aurrea hartu du, eta ez dio garaipenari ihes egiten utzi. Bosgarren jaurtiketan, Chloe Kellyk aukera zuen Europako txapeldunari sailkapena emateko. Kellyk txokotik sartu du gola, eta horrela amaitu da kanporaketa.
Final-laurdenetan, Ingalaterrak Kolonbia edo Jamaika izango du aurkari. Asteartean arituko dira nor baino nor gehiago, Euskal Herrian 10:00ak direnean, eta final laurdenetako kanporaketa larunbatean jokatuko dute, 12:30ean gurean.
Fitxa teknikoa
0 (4) - Ingalaterra: Mary Earps; Jess Carter, Alex Greenwood, Millie Bright; Lucy Bronze, Georgia Stanway, Keira Walsh (120. min, Katie Zelem), Lauren James, Rachel Daly; Lauren Hemp (106. min, Beth England) eta Alessia Russo (88. min, Chloe Kelly).
0 (2) - Nigeria: Chiamaka Nnadozie; Michelle Alozie, Ashleigh Plumptre, Osinachi Ohale, Blessing Demehin; Toni Payne (114. min, Desire Oparanozie), Christy Ucheibe, Halimatu Ayinde (91. min, Jennifer Echegini), Rasheedat Ajibade, Ifeoma Onumonu (58. min, Asisat Oshoala); eta Uchenna Kanu (81. min, Francisca Ordega).
Penaltiak: 0-0: Stanwayk, kanpora. 0-0: Oparanoziek, kanpora. 1-0: Englandek, gola. 1-0: Aloziek, kanpora. 2-0: Dalyk, gola. 2-1: Ajibadek, gola. 3-1: Greenwoodek, gola. 3-2: Ucheibek, gola. 4-2: Kellyk, gola.
Epailea: Melissa Borjas (Honduras). Lauren James kanporatu du, txartel goria aterata, 85. minutuan.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.