Real Madrilek argi menderatu du Chelsea (2-0) eta Milan Napoliri gailendu zaio (1-0), Txapeldunen Ligan
Real Madrilek argi menderatu du Chelsea (2-0) eta Milan Napoliri gailendu zaio (1-0), asteazken gauean, Txapeldunen Ligako final laurdenetan, kanporaketa horien joaneko partidetan. Benzemak eta Asensiok egin dituzte zurien golak, 21. eta 74. minutuetan, Santiago Bernabeun, eta Bennacerrek eman dio abantaila Milani, 40. minutuan, San Siron. Galtzaile atera diren bi taldeek, Chelseak eta Napolik, hamar jokalarirekin amaitu dituzte neurketak, 59. eta 74. minutuetatik, hurrenez hurren.
Madrilen, egungo txapeldunak, Real Madrilek, bi goleko abantaila erdietsi du Chelsearen kontra, eta, horrenbestez, emaitza ona bereganatu du finalerdietara sailkatzeko. Ingalaterrako taldeak, baina, ez du kanporaketa galduta; Carlo Ancelottiren taldea nagusi izan da, norgehiagoka osoan, baina 2-0ekoak itxaropena eman liezaioke Chelseari, oraindik.
Karim Benzemak jarri du Real Madril aurretik, 21. minutuan, Viniciusen pase on bat baliatuz, eta ia jarraian Courtoisek geldiketa bikaina egin du, Sterlingen burukada eder bati erantzunez. Madrilgo taldeak azkar mugitu du baloia, bereziki Viniciusen aldetik; izan ere, brasildarrak arrisku handia sortu du, gau osoan zehar. Bigarren zatian, oraindik ordu erdi baino gehiago geratzen zela, epaileak txartel gorria atera dio Ben Chilwell britainiarrari, eta Real Madrilen nagusitasuna are handiagoa izan da.
Marco Asensiok, zelairatu eta berehala, Real Madrilen bigarren gola sartu du, ezkerrez egindako jaurtiketa on baten bidez. Zuriak hirugarrenaren bila joan dira, baina, halaber, sendo ibili dira atzealdean. Azkenean, markagailuak abantaila polita ematen dio Madrilgo taldeari, Londresera begira, Stamford Bridgen jokatuko duten partidarako, baina finalerdietarako txartela ez dago erabat erabakita.
Milanen eta Napoliren arteko kanporaketan, ordea, berdintasun handiagoa dago. Milanek 1-0 irabazi du, Ismael Bennacerren golari esker. Napoli izan da nagusi neurketako lehen minutuetan. Duela bi aste, Italiako Ligan, Spallettiren taldeak 0-4 galdu zuen Milanen kontra, eta ematen zuen Napolik nahi zuela emaitza hori erabat zuzendu, baina minutuek aurrera egin ahala, Milan suspertzen hasi da. Neurketako azken minutuetan, Napoli hamarrekin geratu da, eta Milan saiatu da bigarrena sartzen, emaitza are hobea lortzeko Diego Armando Maradona zelaian jokatuko duten itzuliko partidarako.
Milan lehenengo ordu erdia jokatuta hasi da egoera iraultzen. Arestian esan bezala, Bennacerrek eman dio aurrea etxeko taldeari, eta, lehen zatian oraindik, gertu izan da 2-0ekoa ere.
Pioliren gizonek, beraz, berriro menderatu dute Napoli, Europako txapelketan, eta oraingo galtzaileek gutxienez bi gol sartu beharko dituzte hurrengo astean, itzulikoan.
Datorren asteartean, apirilaren 18an, itzuliko partidak jokatuko dituzte, Londresen eta Napolin.
Zure interesekoa izan daiteke
Bodo/Glimtek historia egin du, Inter Milan Txapeldunen Ligatik kanporatuta
Talde norvegiarrak 0-2 irabazi zion Inter Milani final-zortzirenetako playoffetako itzulerako partidan. Bayer Leverkusenek eta Newcastlek ere final-zortzirenetara aurrera egitea lortu dute.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.