Australiak ezustekoa eman du eta final-zortzirenetara sailkatu da Frantziarekin batera
Australiak ezustekoa eman du Qatarko Munduko Txapelketako final-zortzirenetara sailkatuta, asteazken honetan (azaroak 30) Danimarka mendean hartuta (1-0) D multzoko hirugarren eta azken jardunaldian.
Sailkapen historikoa erdietsi du selekzio australiarrak. Multzoko bigarrena izan da Ozeaniako taldea, eta Frantziak amaitu du lidertzan Tunisiaren aurka porrota jaso duen arren (1-0). Ondorioz, Danimarka eta Tunisia kanporatuta geratu dira.
Garaipena bereganatu du Australiak Danimarkaren kontra, 1-0eko emaitzarekin. Neurketa parekatua izan da, bietako talde bat ere ez da bestea baino gehiago izan, baina Mathew Leckiek 60. minutuan sartu duen golak erabaki du lehia. Azken txanpan, erasora jo du Danimarkak, ez du abagune argirik sortu, Australiak defentsan lan ona egin du, eta garaipenak ez dio ihes egin.
Multzoko beste norgehiagokan Tunisiak irabazi egin dio Frantziari (1-0), baina garaipena ez da nahikoa izan Afrikako taldearentzat final-zortzirenetara sailkatzeko. Khazrik gola sartu du Tunisiarentzat 58. minutuan. Frantziak aldaketa asko egin ditu hamaikakoan eta aurkaria baino gutxiago izan da. Hala ere, frantziarrek neurketa berdindu dute luzapenean; Griezmannen gola, ordea, baliogabetu egin du epaileak VARa kontsultatu ostean, aurrelaria jokoz kanpo egon delako. Amaieran, Tunisiak bereganatu ditu hiru puntuak, baina txapelketatik at geratu da.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.