Herbehereak eta Senegal, A multzoko sailkatuak
Herbehereek eta Senegalek 2022ko Qatarko Munduko Txapelketako kanporaketetarako txartela lortu dute. Europarrek lehenengo postuan egin dute, 7 punturekin eta afrikarrek, berriz, bigarren postuan, 6 puntutrekin.
Bi sailkatuek garaipenarekin itxi dute multzoen fasea: Oranjek 2 eta 0 irabazi dio Qatar anfitrioiari (ez du puntu bakar bat ere lortu). Senegalek, bere aldetik, garaipena behar zuen eta irabazten hasi ondoren arriskuaz jabetu da Ekuadorrek 68. minutuan sartutako golarekin (berdinketak hegoamerikarrak sailkatzen zituen). Baina ikarak bi minutu iraun ditu, 70.ean Koulibalyk 1-2koa jarri baitu.
Herbehereek jada kanporatuta zegoen Qatarren aurka jokatu dute eta baita ahalegin handirik egin gabe irabazi ere. Holandarrek aurrea hartu duteCody Gakporen golarekin, bolada ezin hobean jarraitzen baitu (3 gol daramatza txapelketan, 1 partidako), Davy Klaasenen paseari esker 26. minutuan.
Atezain qatartarrak Depayren jaurtiketa gelditu du bigarren zatia hasi bezain laster. Jaurtiketaren aldaratzea, baina, area txikian erori da eta anfitrioien defentsak ezin izan du eragotzi De Jongek, behartua izan arren, bigarren gola egitea 49. minutuan.
Fitxa teknikoa:
2 - Herbehereak: Andries Noppert; Jurrien Timber, Virgil van Dijk, Nathan Ake, Denzel Dumfries; Marten de Roon (Teun Koopmeiners, 82. min), Frankie de Jong (Kenneth Taylor, 86. min), Deley Blind; Davy Klaassen (Steven Berghuis, 66. min), Cody Gakpo (Wout Weghorst, 83. min) eta Memphis Depay (Vincent Janssen, 66. min).
0 - Qatar: Meshaal Aissa Barsham; Ismail Mohammad (Musab Al Khader, 85. min), Pedro Miguel, Boualem Khoukhi, Abdelkarim Hassan, Homan Ahmed; Abdelaziz Hatem (Ahmed Alaaeldin, 85. min), Assim Madibo (Karim Boudiaf, 64. min), Hasan Al Heidos (Ali Assadalla Thaimn Qamb, 64. min); Akram Afif eta Almoez Ali Zainalabedeen Abdulla (Mohammed Muntari, 64. min).
Golak: 1-0, 26. min: Cody Gakpo; 2-0, 49.min: Frankie De Jong.
Epailea: Bakary Gassama (GAM). Txartel horia erakutsi dio Herbehereetako Nathan Akeri.
Senegalek ekuadortarren ametsa zapuztu zuen
Herbehereak vs Qatar partidan jokoan ia ezer ez bazegoen ere, Khalifa International Stadiumean dena zegoen erabakitzeke. Ekuadorrek nahikoa zuen gutxienez puntu bat lortzearekin erronda gainditzeko garaipenak bakarrik balio ziona Senegalgo selekzio baten aurka.
Senegal atsedenaldiaren atarian aurreratu da Sarrek 11 metroetatik egindako golari esker. Afrikarrek gertuago ikusi dute munduko txapelketa bateko kanporaketetara sailkatzeko ametsa, 20 urte geroago. Baina Ekuadorrek ez du hain erraz amore eman eta 68. minutuan Moises Caicedok berdindu du norgehiagoka. Senegalek, bere amets mundialistari helduta, ez die ekuadortarrei aukerarik eman final-zortzirenetara pasatzeko aukera aintzat hartzeko ere, 2 minutu geroago Koulibaly kapitainak 1-2koa jarri baitu.
Fitxa teknikoa
1 - Ekuador: Galindez; Preciado (Porozo, 85. min), Torres, Hincapié, Estupiñán; Franco (Sarmiento, 46. min), Gruezo (Cifuentes, 46. min), Caicedo; Plata, Estrada (Reasco, 64. min), Valentzia.
2- Senegal: Mendy; Sabaly, Koulibaly, Jakobs, Diallo; Ciss (N. Mendy, 74. min), P. Gueye; Ndiaye (Dieng, 74. min), I. Gueye, Sarr; Boulaye Dia (Cissé, 95. min).
Golak: 0-1, 44. min: Sarr (p); 1-1, 68. min: Caicedo; 1-2, 70. min: Koulibaly.
Epailea: Clément Turpin (FRA), txartel horia atera dio Gana Gueye senegaldarrari.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Romerok, Messik eta Enzok bizia eman diote txapeldunari, Egiptoren aurka gorriak ikusi ondoren (3-2)
Argentina ezinean ibili da Egiptoren aurkako norgehiagokan. Afrikarrak 0-2 aurretik jarri dira markagailuan, Yasser Ibrahim eta Mostafa Ziko jokalarien golei esker.
Queiroz, Aguirre eta Roberto Martinez dira Munduko Txapelketaren azken biktimak
Ghanako Futbol Federazioaren arabera, oraindik ez dute Queirozen uko formalik jaso, baina bere Instagrameko mezuak ez du zalantzarako tarterik uzten. Aguirreren kasuan, Mexiko Munduko Txapelketan zuzentzeko akordioa zuen. Azkenik, Roberto Martinezi lortutako emaitza txarrak kalte egindio. Portugaleko Futbol Federazioak ez zuen espero final-zortzirenetan galtzea.
Belgikak garaipen argia lortu du AEBren aurka (1-4), eta Espainia izango du aurkari Munduko Txapelketako final laurdenetan
De Ketelaerek, bi gol sartuta, Vanakenek eta Lukakuk markagailuan islatu dute Belgikako selekzioak erakutsitako nagusitasuna. Balogun AEBko jokalariak neurketan parte hartu du, eta horrek norgehiagoka markatu du, kontuan izanik FIFAko Diziplina Batzordeak erabakita jokatu ahal izan duela.
Mikel Merinok final-laurdenetarako sailkatu du Espainia, luzapenaren atarian (0-1)
Nafarrak, Ferran Torresen pasea baliatuta, 91. minutuan sartu du Luis de la Fuenteren taldea final-laurdenetan. Espainiak AEB-Belgika partidako irabazlearen aurka neurtuko ditu indarrak.
Norvegiak Brasil kanporatu du (1-2), eta Ingalaterrak Mexiko (2-3), eta biek izango dute jokoan finalerdietarako txartel bat
Norvegiako eta Ingalaterrako selekzioak nor baino nor gehiago arituko dira, final laurdenetan, larunbatean, 23:00etan. Final zortzirenetan, Norvegiak Brasil menderatu du, Erling Haalandek bi gol sartuta, eta Ingalaterra Mexikori gailendu zaio; neurketa horretan, Jude Bellinghamek bi gol egin ditu, eta Harry Kanek, penaltiz, beste bat.