Bayernek seigarren Txapeldunen Liga bereganatu du
Bayern Munichek bere seigarren Txapeldunen Liga eskuratu zuen igande honetan Paris Saint-Germain mendean hartuta (0-1), Comanek 60. minutuan sartutako gol bati esker, Lisboako Estadio da Luz futbol-zelaian jokatutako finalean.
Hans-Dieter Flicken mutilek ez dute partidarik galdu iaztik, eta euren sasoi ikusgarria finalera arte luzatu zuten. Gutxitan gertatzen da entrenatzaile-aldaketa batek tamaina horretako emaitzak ekartzea; izan ere, Flickek Kovac ordezkatu zuen azaroan Bayernen entrenatzaile gisa, eta denboraldi gogoangarria gauzatu du Liga, Kopa eta Txapeldunen Liga irabazita.
Hutsean amaitzeko arriskua zeukan neurketak (hala gertatu ohi da zenbaitetan hainbeste milioi balio duten izarrez betetako bi talde aurrez aurre suertatzen direnean) lehen zati zirraragarria izan zuen. Bi taldeak uneoro aurkariaren atea begira jardun zuten, baina ez zen golik izan Neuer eta Navasek egindako gelditu bikainei esker.
Bayernek ezin hobeto ekin zion neurketari, oso goian presionatuz eta Kimmich eta Gnabry eskuin hegaletik min eginez. Ondoren, lehen ordu laurdena igarota, PSGren erreakzioa etorri zen, Ander Herreraren eskutik. Erdilariak goleko bi baloi oparitu zizkien Di Mariari eta Mbapperi, eta Neymarrek ere izan zuen bere abagunea, baina Neuer Munichekoen salbatzaile izan zen berriro. Beste aldean, Navasek ere bertan behera utzi zituen Lewandowskiren Gnabryren ahaleginak.
Coman, PSGko jokalari ohia, golegile
Gola besterik ez zitzaion falta finalari, baina berdegunean ez zegoen inor deseroso urteko partidarik garrantzitsuenean. PSGk bere atetik urrun eraman nahi zuen Bayern, eta zeregin horretan ahalegindu zen Neymar, aurkariak bere onetik ateratzeko duen dohain horrekin. Hala ere, kolpea alemaniarrek eman zuten, Comanek buruz sareetara bidali zuenean, Kimmichen erdiraketa baliatuta.
Bayerneko frantziarrak sartutako golak, Flickek finalerako egindako apustuak, min handia egin zion PSGri, eta oso gertu izan zuen bigarrena jasotzea partida osoan zehar sufritzen ibili zen Kehrer hegalekoaren hutsegite batean; haatik, Thiago Silvak atepean atera zuen.
Thomas Tuchelen aldaketek ez zuten balio izan Bayernen aurrean, alemaniarren erantzun taktikoa Pariskoena baino eraginkorragoa izan baitzen. Dena den, Marquinhosek hurbil izan zuen berdinketa, baina Neuerrek oinarekin saihestu zuen, eta Mbapperi ere aukera zapuztu zion, nahiz eta aurrelaria jokoz kanpo egon. Neymarrena izan zen azken saiakera.
Horrenbestez, PSGk amore eman behar izan zuen Coman jokalari ohiaren aurrean, eta gutxienez beste urtebete itxaron beharko du Europako txapeldun izateko. Bayernek, aldiz, seigarren garaikurra erdietsi zuen zazpi urte eta gero.
Fitxa teknikoa:
0 - Paris Saint-Germain: Keylor Navas; Kehrer, Thiago Silva, Kimpembe, Bernat (Kurzawa, 80. min); Herrera (Draxler, 72. min), Marquinhos, Paredes (Verratti, 65. min); Di María (Choupo Moting, 80. min), Neymar, Mbappé.
1 - Bayern Munich: Neuer; Kimmich, Boateng (Sulé, 25. min), Alaba, Davies; Goretzka, Thiago (Tolisso, 86. min); Coman (Perisic, 68. min), Müller, Gnabry (Cotinho, 68. min); Lewandowski.
Gola: 0-1, 59. min: Coman.
Epailea: Daniele Orsato (Italia). Txartel horiak: Davies, Gnabry eta Sule (Bayern Múnich); Paredes, Neymar eta Thiago Silva (París Saint-Germain).
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.