Tottenhamek aise irabazi dio Borussiari eta Real Madrilek Ajax garaitu du
Tottenhamek 3-0 irabazi dio asteazken honetan Borussia Dortmundi Txapeldunen Ligako final-zortzirenei dagokion joaneko norgehiagokan. Hartara, Londresko taldeak oso bideratuta utzi du martxoaren 5ean amaituko den kanporaketa.
Heung-Min Son jokalari hego-korearrak egin du bere taldearen lehen gola, bigarren zatiari ekin bezain pronto. Gol horrek piztu egin du ordura arte aspergarri samarra zen lehia, eta etxekoak nagusi izan dira bigarren zati osoan.
Dena dela, ia neurketaren amaierara arte itxaron behar izan dute Wembleyra bertaratu diren zaleak beste bi golak ikusteko. Izan ere, Jan Vertonghen belgikarrak 83. minutuan lortu du berea, eta handik hiru minutura (86. min) etorri da Fernando Llorentek buruz erdietsi duena, korner batean.
Fitxa teknikoa:
3 - Tottenham Hotspur: Lloris, Alderweireld, Vertonghen, Sanchez, Foyth, Aurier, Winks, Sissoko (Wanyama, 91. min), Eriksen, Moura (Llorente, 84. min) eta Son (Lamela, 90. min).
0 - Borussia Dortmund: Bürki, Hakimi, Toprak, Diallo, Zagadou (Schmelzer, 77. min), Witsel, Delaney, Dahoud, Sancho (Guerreiro, 88. min), Pulisic (Brun Larsen, 87. min) eta Götze.
Golak: 1-0, 47. min: Son. 2-0, 83. min: Vertonghen. 3-0, 86. min: Llorente.
Epailea: Mateu Lahoz (Espainia). Txartel horiak: Aurier (Tottenham); Delaney (Borussia).
Real Madrilek ere irabazi du
Real Madrilek asko sufritu behar izan du neurketa bereganatzeko. EFE
Real Madrilek, bere aldetik, 1-2 garaitu du Ajax, Johan Cruyff Arena futbol-zelaian. Santiago Solarik entrenatzen duen taldeak ez du partida onik jokatu, eta herbeheretarrak baino gutxiago izan dira neurketaren zatirik gehientsuenean. Dena dela, markagailuan aurrea hartu dute partidako 60. minutuan, Karim Benzema aurrelari frantziarraren eskutik.
Ajaxek, ordea, erasoan jarraitu du, norgehiagoka guztian zehar egin duen bezala, eta markagailua berdindu du 75. minutuan, Hakim Ziyech marokoarraren golari esker.
Alabaina, partidaren azken txanpan, zelaia min hartuta utzi du Benzemak, eta horren ordezkoak, Marcos Asensiok, zurien bigarrena sartu du, kontraeraso baten ostean.
Fitxa teknikoa:
1 - Ajax: Onana, Mazraoui, Blind, De Ligt, Tagliafico, Van de Beek, De Jong, Ziyech, Tadic, Schöne (Dolberg, 73. min) eta Neres.
2 - Real Madril: Courtois, Carvajal, Sergio Ramos, Nacho, Reguilon, Casemiro, Kroos, Modric, Bale (Lucas Vazquez, 60. min), Vinicius (Mariano, 80. min) eta Benzema (Asensio, 73. min).
Golak: 0-1, 60. min: Benzema. 1-1, 75. min: Ziyech. 1-2, 87. min: Asensio.
Epailea: Damir Skomina (Eslovenia). Txartel horiak: Ziyech (Ajax); Reguilon, Lucas eta Ramos (Real Madril).
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.